ຂ່າວສານ

ອິນໂດເນເຊຍ ສືບຕໍ່ວຽກງານແກ້ໄຂຜົນຮ້າຍຢ້ອນຫຼັງ ອຸບັດຕິເຫດຍົນຕົກ

31/10/2018

ວັນທີ 30 ຕຸລາ, ກອງກຳລັງກູ້ໄພກູ້ຊີບ ອິນໂດເນເຊຍ ສືບຕໍ່ຊອກໄດ້ຊິ້ນສ່ວນສົບຂອງຜູ້ປະສົບໄພຕື່ມອີກ ແລະ ວັດຖຸທີ່ກ່ຽວຂ້ອງຫຼາຍຢ່າງ ຢູ່ບໍລິເວນຍົນຕົກ. ແຕ່ເຖິງຢ່າງໃດກໍ່ຕາມ, ຄວາມສາມາດໃນການຄົ້ນພົບຜູ້ລອດຊີວິດ ແມ່ນຖືວ່າບໍ່ມີ ຍ້ອນແຮງກະທົບຈາກຍົນຕົກລົງແມ່ນເຂດທະເລ ເລິກ 30-40 ແມັດ ຢູ່ເຂດນອກຝັ່ງເກາະ ຈາວາ ຂອງ ອິນໂດເນເຊຍ ແມ່ນແຮງທີ່ສຸດ.

ກອງກຳລັງກູ້ໄພກູ້ຊີບ ອິນໂດເນເຊຍ ສືບຕໍ່ຊອກໄດ້ຊິ້ນສ່ວນສົບຂອງຜູ້ປະສົບໄພຕື່ມອີກ ແລະ ວັດຖຸທີ່ກ່ຽວຂ້ອງຫຼາຍຢ່າງ
ຢູ່ບໍລິເວນຍົນຕົກ. (ພາບ: THX/ TTXVN)

ຕາມລາຍງານຫຼ້າສຸດ ຂອງຄະນະກຳມະການຄວາມປອດໄພທາງຄົມມະນາຄົມແຫ່ງຊາດ ອິນໂດເນເຊຍ, ເມື່ອວັນທີ 30 ຕຸລາ ໃຫ້ຮູ້ວ່າ: ພຽງແຕ່ 2 ນາທີ ພາຍຫຼັງຍົນຂຶ້ນ, ຍົນ Boeing 737 Max 8 ໄດ້ປະສົບບັນຫາທາງດ້ານເຕັກນິກ ແລະ ຈຸບິນ ໄດ້ຮຽກຮ້ອງໃຫ້ສະຖານີຄວບຄຸມການສັນຈອນທາງອາກາດ ຢູ່ສະໜາມບິນ ຈາກາຕາ ອະນຸຍາດໃຫ້ຍົກລະດັບຄວາມສູງ ຈາກປະມານ 500 ແມັດ ຂຶ້ນເປັນ 1.500 ແມັດ. ຄຳຮຽກຮ້ອງນີ້ໄດ້ຮັບຄວາມເຫັນດີ, ແຕ່ຍົນພັດຕົກລົງໃນເວລາ 11 ນາທີຫຼັງຈາກນັ້ນ. ຕາມຄະນະກຳມະການຄວມປອດໄພທາງຄົມມະນາຄົມແຫ່ງຊາດ ອິນໂດເນເຊຍ, ມີຜູ້ໂດຍສານຜູ້ໃຫຍ່ 178 ຄົນ, ເດັກນ້ອຍ 1 ຄົນ ແລະ ເດັກແດງ 2 ຄົນ, ນັກບິນ 2 ຄົນ ແລະ ສະມາຊິຈຸບິນ 6 ຄົນ ຢູ່ເທິງຖ້ຽວບິນດັ່ງກ່າວ. ໃນຈຳນວນຜູ້ປະສົບໄພມີ 20 ຄົນທີ່ເປັນພະນັກງານ ເຮັດວຽກໃຫ້ແກ່ກະຊວງການເງີນ ອິນໂດເນເຊຍ ແລະ ມີນັກແຂ່ງລົດຖີບອາຊີບ ຄົນອີຕາລີ ຊື່ວ່າ Andrea Manfredi .

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.