ກ່າວຄຳເຫັນອັດກອງປະຊຸມ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ເນັ້ນໜັກວ່າ ດ້ວຍຈິດໃຈເຮັດວຽກຢ່າງມີຄວາມຮັບຜິດຊອບສູງ, ຄະນະປະຈຳສະພາແຫ່ງຊາດ ໄດ້ປະຕິບັດສຳເລັດລາຍການທີ່ໄດ້ວາງອອກ, ໃນນັ້ນ ມີການດັດແປງເນື້ອໃນບາງຢ່າງ. ທ່ານນາງປະທານສະພາແຫ່ງຊາດສະເໜີວ່າ ພາຍຫລັງກອງປະຊຸມ, ລັດຖະບານ, ບັນດາກຳມາທິການຂອງສະພາແຫ່ງຊາດ, ເລຂາທິການໃຫຍ່ສະພາແຫ່ງຊາດ, ບັນດາອົງການ, ອົງກອນທີ່ກ່ຽວຂ້ອງ ຈະອີງໃສ່ການສະຫລຸບຂອງຄະນະປະຈຳສະພາແຫ່ງຊາດ ຮັບເອົາຄຳເຫັນ, ປັບປຸງບັນດາຮ່າງກົດໝາຍ, ຮ່າງມະຕິ, ບັນດາບົດລາຍງານຕິດຕາມກວດກາຢ່າງຮີບດ່ວນ ເພື່ອສົ່ງໃຫ້ສະມາຊິກສະພາແຫ່ງຊາດ; ພ້ອມທັງ ປັບປຸງຮ່າງມະຕິໃຫ້ສົມບູນແບບເພື່ອເຊັນປະກາດໃຊ້. ເລຂາທິການໃຫຍ່ສະພາແຫ່ງຊາດຈະຮັບເອົາ, ປັບປຸງການຄາດຄະເນລາຍການກອງປະຊຸມສະໄໝສາມັນເທື່ອທີ 7 ໃຫ້ສົມບູນແບບ ເພື່ອຍື່ນຂໍຄຳເຫັນຈາກສະມາຊິກສະພາແຫ່ງຊາດຄືນໃໝ່ໃຫ້ຖືກຕ້ອງຕາມຂໍ້ກຳນົດຂອງກົດໝາຍ.
(ແຫຼ່ງຄັດຈາກ VOV)
