ຂ່າວສານ

ຫວຽດນາມ ແບ່ງປັນບົດຮຽນພັດທະນາສັງຄົມຍຸດຕິທຳ ແລະ ກວມລວມຢູ່ ສປຊ

11/02/2026

ແຕ່ວັນທີ 2-10 ກຸມພາ, ກອງປະຊຸມຄັ້ງທີ 64 ຂອງຄະນະກຳມະການພັດທະນາສັງຄົມ ສປຊ (CSocD) ດ້ວຍຫົວຂໍ້ “ຊຸກຍູ້ການພັດທະນາສັງຄົມ ແລະ ຄວາມຍຸດຕິທຳສັງຄົມ ຜ່ານບັນດານະໂຍບາຍສົມທົບກັນ, ຍຸດຕິທຳ ແລະ ກວມລວມ” ຈັດຂຶ້ນຢູ່ສຳນັກງານ ສປຊ ທີ່ ນິວຢອກ ປະເທດ ອາເມລິກາ.

(ພາບ: TTXVN)

ກ່າວຄຳເຫັນທີ່ກອງປະຊຸມ, ທ່ານອັກຄະລັກທະທູດ ຫງວຽນຮ່ວາງງວຽນ, ຮອງຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ຢືນຢັນວ່າ ການພັດທະນາສັງຄົມ ແລະ ຄວາມຍຸດຕິທຳສັງຄົມແມ່ນເສົາຄ້ຳໃນຍຸດທະສາດພັດທະນາປະເທດຊາດຂອງ ຫວຽດນາມ, ດ້ວຍກຳນົດທິດຖືເອົາການປົວແປງຊີວິດຂອງ ປຊຊ ແມ່ນໄມ້ວັດແທກການເຕີບໂຕ. ຜູ້ຕາງໜ້າຂອງ ຫວຽດນາມ ແບ່ງປັນວ່າ: ໃນ 5 ປີຜ່ານມາ, ອັດຕາຄວາມທຸກຍາກໄດ້ຫລຸດແຕ່ 5,2% ລົງເຫຼືອພຽງ 1,3%; GDP ສະເລ່ຍຕໍ່ຫົວຄົນເພີ່ມຂຶ້ນ 1,4 ເທົ່າ, ນຳ ຫວຽດນາມ ເຂົ້າໃນບັນຊີລາຍຊື່ກຸ່ມບັນດາປະເທດມີລາຍຮັບສະເລ່ຍສູງ. ພ້ອມກັນນັ້ນ, ທ່ານຮອງຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ໄດ້ສະເໜີເພີ່ມທະວີການສົມທົບກັນ, ຕິດພັນນະໂຍບາຍຕາມວິທີເຂົ້າເຖິງທົ່ວລັດຖະບານ, ທົ່ວສັງຄົມ; ນຳຄວາມສະເໝີພາບລະຫວ່າງຍິງ-ຊາຍເຂົ້າໃນນະໂຍບາຍແຮງງານ-ສັງຄົມ ແລະ ຊຸກຍູ້ການມອບສິດເສດຖະກິດໃຫ້ແກ່ແມ່ຍິງ; ຍູ້ແຮງການຫັນເປັນດີຈີຕອນ ຜ່ານການລົງທຶນພື້ນຖານໂຄງລ່າງ ແລະ ເຕັກນິກດີຈີຕອນເຂດຊົນນະບົດ, ເຂດຫ່າງໄກສອກຫຼີກ, ພ້ອມກັບການເພີ່ມທະວີການຮ່ວມມື ແລະ ໜູນຊ່ວຍສາກົນໃຫ້ແກ່ບັນດາປະເທດພວມພັດທະນາ.

(ແຫຼ່ງຄັດຈາກ VOV)

ພໍ່ແມ່ພີ່ນ້ອງຊາວຫວຽດນາມ ອາໄສ ຢູ່ຕ່າງປະເທດ ແບ່ງປັນຄວາມມ່ວນຊື່ນເມື່ອຕ້ອນຮັບບຸນປີໃໝ່ ແລະ ອວ່າຍໜ້າເມືອຫາບ້ານເກີດເມືອງນອນ

11/02/2026
ຂ່າວສານ

ເນື່ອງໃນໂອກາດບຸນປີໃໝ່ປະຈຳຊາດ ຫວຽດນາມ ປີມະເມຍ 2026, ຕອນຄ່ຳວັນທີ 09 ກຸມພາ, ຢູ່ ປັກກິ່ງ, ສະຖານທູດ ຫວຽດນາມ ປະຈຳ ຈີນ ໄດ້ຈັດລາຍການ “ລະດູບານໃໝ່ແຫ່ງບ້ານເກີດເມືອງນອນ ປີ 2026”, ນີ້ແມ່ນສະຖານທີ່ອັນສະໜິດສະໜົມ, ເປັນແຫ່ງເພື່ອໃຫ້ພໍ່ແມ່ພີ່ນ້ອງຊາວຫວຽດນາມ ອາໄສ ຢູ່ ຈີນ ເຕົ້າໂຮມກັນ, ແບ່ງປັນຄວາມມ່ວນຊື່ນເມື່ອຕ້ອນຮັບບຸນປີໃໝ່ ແລະ ອວ່າຍໜ້າເມືອຫາປະເທດຊາດ.