ຂ່າວສານ

ຫວຽດນາມຮຽກຮ້ອງປະຊາຄົມສາກົນມານະພະຍາຍາມກວ່າເພື່ອຊ່ວຍເຫຼືອບັນດາຄົນພິການ

15/06/2017

ວັນທີ 13 ມິຖຸນາ, ຢູ່ສຳນັກງານສະຫະປະຊາຊາດ, ໄດ້ດຳເນີນກອງປະຊຸມຄັ້ງທີ 10 ບັນດາຝ່າຍເຂົ້າຮ່ວມສົນທິສັນຍາວ່າດ້ວຍສິດທິຄົນພິການ (CRPD) ດ້ວຍຫົວຂໍ້ວ່າ “ທົດສະວັດທີ 2 ສົນທິສັນຍາ CRPD: ການເຂົ້າຮ່ວມຢ່າງຮອບດ້ານ ແລະ ຄົບຖ້ວນຂອງຄົນພິການ ແລະ ບັນດາອົງການຜູ້ຕາງໜ້າຂອງຄົນພິການໃນການປະຕິບັດສົນທິສັນຍາ”.

ທ່ານນາງເອກອັກຄະລັດຖະທູດ ຫງວຽນເຟືອງງາ
(ພາບ: TTXVN)

ກອງປະຊຸມໄດ້ດຶງດູດການເຂົ້າຮ່ວມຂອງຜູ້ແທນກວ່າ 500 ທ່ານທີ່ມາຈາກບັນດາປະເທດສະມາຊິກ ແລະ ຜູ້ຕາງໜ້າ, ຂອງອົງການຈັດຕັ້ງຂອງຄົນພິການ. ທ່ານນາງເອກອັກຄະລັດຖະທູດ ຫງວຽນເຟືອງງາ, ຫົວໜ້າຄະນະຜູ້ແທນຫວຽດນາມ ປະຈຳສະຫະປະຊາຊາດ, ຫົວໜ້າຄະນະຜູ້ແທນຫວຽດນາມ ເຂົ້າຮ່ວມກອງປະຊຸມເນັ້ນໜັກວ່າ, ຍາມໃດຫວຽດນາມ ກໍ່ໃຫ້ບຸລິມະສິດຊຸກຍູ້ການເຂົ້າຮ່ວມຢ່າງຄົບຖ້ວນ ແລະ ຮອບດ້ານຂອງຄົນພິການ, ໂດຍສະເພາະແມ່ນໃນການສ້າງບັນດາຍຸດທະສາດ, ນະໂຍບາຍ, ເອກະສານນິຕິກຳ ໂດຍມີການສົມທົບການຊຸກຍູ້ ແລະ ຮັບປະກັນສິດທິຄົນພິການ; ຄົນພິການຢູ່ຫວຽດນາມ ສາມາດຊົມໃຊ້ການບໍລິການໃຫ້ຄຳປຶກສາດ້ານກົດໝາຍໂດຍບໍ່ເສຍຄ່າເພື່ອປົກປ້ອງບັນດາສິດຜົນປະໂຫຍດຂອງຕົນໃຫ້ດີກວ່າ, ຄຽງຂ້າງນັ້ນ, ຫວຽດນາມ ກໍ່ສົ່ງເສີມ, ລະດົມບັນດາແຫຼ່ງກຳລັງສັງຄົມໃນການໜູນຊ່ວຍຄົນພິການ.

(ແຫຼ່ງຄັດຈາກ VOV)

ທ່ານເລຂາທິການໃຫຍ່ ໂຕເລິມ: ສືບຕໍ່ປຸກລຸກນ້ຳໃຈປ່ຽນແປງໃໝ່ຂອງທ່ານເລຂາທິການໃຫຍ່ ຫງວຽນວັນລິງ

01/07/2025
ຂ່າວສານ

ຊີວິດ ແລະ ພາລະກິດຂອງທ່ານເລຂາທິການໃຫຍ່ ຫງວຽນວັນລິງ ຕິດພັນກັບຂະບວນການປະຕິວັດແຕ່ຊຸມປີ 1930 ຢູ່ພາກເໜືອ ຫວຽດນາມ ແລະ ຫຼາຍປີຢູ່ພາກໃຕ້ ຫວຽດນາມ ກ່ອນທີ່ຮັບດຳລົງຕຳແໜ່ງເປັນເລຂາທິການໃຫຍ່ພັກຄອມມູນິດ ຫວຽດນາມ ເມື່ອປີ 1986.