ຂ່າວສານ

ຫວຽດນາມ ມີນັກຮຽນ 4 ຄົນຄວ້າໄດ້ຫຼຽນຄຳ Olympic ປະດິດແຕ່ງ ແລະ ປະດິດຄິດສ້າງໂລກ

07/02/2023

ນັກຮຽນ 4 ຄົນນີ້ໄດ້ເຂົ້າຮ່ວມການເສັງດ້ວຍຫົວຂໍ້ “Nanomelanin ມີຕົ້ນກຳເນີດຈາກມຶກ, ປົກປ້ອງຈຸລັງເຄົ້າຢູ່ຜິວໜັງຕ້ານແສງ X”.

ນັກຮຽນທັງ 4 ຄົນຂອງທິມໂຮງຮຽນມັດທະຍົມຕອນປາຍລົງເລິກ ເລຮົ່ງຟອງ

ນັກຮຽນທັງ 4 ຄົນຂອງທິມໂຮງຮຽນມັດທະຍົມຕອນປາຍລົງເລິກ ເລຮົ່ງຟອງ (ແຂວງ ນາມດິ້ງ), ຫວຽດນາມ, ຄວ້າໄດ້ຫຼຽນຄຳໃນການເສັງ Olympic ປະດິດແຕ່ງ ແລະ ປະດິດຄິດສ້າງໂລກ. ນັກຮຽນ 4 ຄົນນີ້ໄດ້ເຂົ້າຮ່ວມການເສັງດ້ວຍຫົວຂໍ້ “Nanomelanin ມີຕົ້ນກຳເນີດຈາກມຶກ, ປົກປ້ອງຈຸລັງເຄົ້າຢູ່ຜິວໜັງຕ້ານແສງ X”.

Olympic ປະດິດແຕ່ງ ແລະ ປະດິດຄິດສ້າງໂລກ (World Invention and Creativity Olympiad, ຂຽນຫຍໍ້ແມ່ນ WICO) ແມ່ນການເສັງປະຈຳປີ ໄດ້ຈັດຂຶ້ນ ໂດຍສະມາຄົມປະດິດແຕ່ງປະດິດຄິດສ້າງບັນດາມະຫາວິທະຍາໄລ ສ.ເກົາຫຼີ, ແລະ ສະພາແຫ່ງຊາດປະເທດນີ້ອະປະຖຳ. ການເສັງ WICO 2023 ແມ່ນຈັດຂຶ້ນເທື່ອທີ 12 ແລ້ວ ດ້ວຍຈຸດປະສົງປຸກລຸກພອນສະຫວັນ ແລະ ຄວາມເມົາມົວກັບວິທະຍາສາດ, ເຕັກນິກ, ກໍຄືຊຸກຍູ້ການແກ່ງແຍ້ງຢ່າງປອດໃສຂອງບັນດານັກຮຽນມັດທະຍົມຕອນປາຍໃນທົ່ວໂລກ. ການເສັງປີນີ້ໄດ້ຈັດຂຶ້ນຢູ່ນະຄອນ ເຊີອຸ່ນ, ສ.ເກົາຫຼີ ແຕ່ວັນທີ 03-04 ກຸມພາ.

(ແຫຼ່ງຄັດຈາກ VOV)

ການຮ່ວມມືຢ່າງແໜ້ນແຟ້ນລະຫວ່າງສະຖາບັນຍຸຕິທຳ ຫວຽດນາມ ແລະ ສະຖາບັນຍຸຕິທຳແຫ່ງຊາດ ລາວ

29/12/2025
ຂ່າວສານ

ບົນພື້ນຖານການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງປະເທດ ຫວຽດນາມ - ລາວ, ກວ່າ 2 ທົດສະວັດຜ່ານມາ, ສະຖາບັນຍຸຕິທຳ ຫວຽດນາມ ແລະ ສະຖາບັນຍຸຕິທຳລາວ ໄດ້ພ້ອມກັນຂຽນຕໍ່ເລື່ອງລາວທີ່ດີງາມກ່ຽວກັບການແບ່ງປັນພູມປັນຍາ, ການໜູນຊ່ວຍເຊິ່ງກັນແລະກັນ ໃນພາລະກິດ ກໍ່ສ້າງຖັນແຖວພະນັກງານກົດໝາຍໃຫ້ໝັ້ນຄົງເຂັ້ມແຂງ. ຈາກບັນດາການຢ້ຽມຢາມຄັ້ງທຳອິດ, ບັນດາຊຸດຮຽນທີ່ງ່າຍດາຍໃນຕົ້ນຊຸມປີ 2000, ຕະຫຼອດຮອດບັນດາໂຄງການຮ່ວມມືຂະໜາດໃຫຍ່, ການພົວພັນນັ້ນໄດ້ຮັບການເພີ່ມພູນຄູນສ້າງຢ່າງບໍ່ຢຸດຢັ້ງດ້ວຍນ້ຳໃຈສະຫາຍ, ອ້າຍນ້ອງທີ່ສະໜິດຕິດພັນ.