ສະພາບມົນລະພິດຍ້ອນນ້ຳມັນຮົ່ວໄຫຼ
ບັນດາໄພມົນລະພິດສິ່ງແວດລ້ອມ ແລະ ການປ່ຽນແປງຂອງດິນຟ້າອາກາດນັບມື້ນັບເພີ່ມຂຶ້ນໄດ້ ແລະ ພວມສົ່ງຜົນກະທົບຢ່າງຫຍໍ້ທໍ້ເຖິງພື້ນຖານເສດຖະກິດ ຫວຽດນາມ. ໝາກຜົນຂອງການຄົ້ນຄ້ວາກ່ຽວກັບຄວາມເສຍຫາຍທັງໝົດຂອງພື້ນຖານເສດຖະກິດຍ້ອນມົນລະພິດສິ່ງແວດລ້ອມເກີດຂຶ້ນຢູ່ ຫວຽດນາມ ໄດ້ສະແດງໃຫ້ເຫັນວ່າ: ບັນດາຜົນເສຍຫາຍຍ້ອນມົນລະພິດສິ່ງແວດລ້ອມກວມແຕ່ 1,5 – 3% GDP. ນອກຈາກນັ້ນ, ແຕ່ລະປີ ຫວຽດນາມ ຖືກເສຍຫາຍ 800 ລ້ານ USD ໃນບັນດາຂົງເຂດສົ່ງເສີມສຸຂະພາບວົງຄະນະຍາດຍ້ອນມົນລະພິດສິ່ງແວດລ້ອມກໍ່ຂຶ້ນ. ການແກ້ໄຂບັນດາສິ່ງຈຳກັດກ່ຽວກັບສິ່ງແວດລ້ອມແມ່ນໜ້າທີ່ຈຳເປັນທີ່ໄດ້ວາງອອກໃນປະຈຸບັນ. ທ່ານ ຫງວຽນເທ໋ດົງ, ຮອງຫົວໜ້າກົມສິ່ງແວດລ້ອມ, ໃຫ້ຮູ້ວ່າ:
“ໃນໄລຍະຈະມາເຖິງ, ວຽກງານປົກປັກຮັກສາສິ່ງແວດລ້ອມ, ຄຸ້ມຄອງສິ່ງແວດລ້ອມຢູ່ ຫວຽດນາມ ຈະມີການຫັນປ່ຽນທີ່ດີກ່ວາອີກ ສະນັ້ນຍັງມີຫຼາຍວຽກຕ້ອງເຮັດ. ກ່ອນອື່ນໝົດ, ພວກເຮົາພິຈາລະນາຄືນລະບົບກ່ຽວກັບນະໂຍບາຍຂອງພວກເຮົາທີ່ກ່ຽວຂ້ອງເຖິງສິ່ງແວດລ້ອມ. ທີສອງແມ່ນເພີ່ມທະວີວຽກງານກວດກາເພື່ອພົບເຫັນບັນດາແຫຼ່ງໄດ້ກໍ່ມົນລະພິດ, ຮາກຖານກໍ່ມົນລະພິດເພື່ອມີມາດຕະການແກ້ໄຂຢ່າງທັນການ. ພວກເຮົາຕ້ອງເອົາໃຈໃສ່ເປັນພິເສດເຖິງວຽກງານໂຄສະນາ ເພື່ອແນໃສ່ຍົກສູງສະຕິຄວາມຮູ້ຂອງວົງຄະນະຍາດໃນການປົກປັກຮັກສາສິ່ງແວດລ້ອມ.”
(ແຫຼ່ງຄັດຈາກ VOV)
