ຂ່າວສານ
ສູນກາງຄະນະຊາວໜຸ່ມ ກອມມູນິດ ໂຮ່ຈີມິນ ປຸກລະດົມເດືອນຊາວໜຸ່ມ ແລະ ວັນບຸນປູກຕົ້ນໄມ້ປີ 2021
ທ່ານ ບຸ່ຍກວາງຮຸຍ, ເລຂາຜູ້ປະຈຳການສູນກາງຄະນະຊາວໜຸ່ມກອມມູນິດ ໂຮ່ຈີມິນ ໃຫ້ຮູ້ວ່າ:
“ໃນເດືອນຊາວໜຸ່ມ, ພວກຂ້າພະເຈົ້າໄດ້ເອົາໃຈໃສ່ໜູນຊ່ວຍຊາວໜຸ່ມໃນການກໍ່ຮ່າງສ້າງຕົວ ແລະ ເລີ່ມຕົ້ນທຸລະກິດ. ເດືອນຊາວໜຸ່ມ ແມ່ນໂອກາດເພື່ອເສີມຂະຫຍາຍນ້ຳໃຈປະຈັນບານ, ກຳລັງແຮງຂອງໄວໜຸ່ມໃນທົ່ວປະເທດ, ພ້ອມທັງແມ່ນໂອກາດເພື່ອໃຫ້ຄະນະຊາວໜຸ່ມທຸກຂັ້ນເປັນເສນາທິການ, ຮຽກຮ້ອງຄວາມເອົາໃຈໃສ່ຂອງຄະນະພັກ, ອຳນາດການປົກຄອງຂັ້ນຕ່າງໆ ແລະ ຂອງສັງຄົມທີ່ມີຕໍ່ຊາວໜຸ່ມເວົ້າລວມ. ຜ່ານນັ້ນ, ຊາວໜຸ່ມ ສາມາດເຂົ້າຮ່ວມວຽກງານຈຳນວນໜຶ່ງໃນການພັດທະນາເສດຖະກິດ, ສັງຄົມ ຂອງປະເທດຊາດ ເວົ້າລວມ”.
ເນື່ອງໃນໂອກາດນີ້, ສູນກາງຄະນະຊາວໜຸ່ມກອມມູນິດ ໂຮ່ຈີມິນ ແລະ ຫົວໜ່ວຍຕ່າງໆກໍໄດ້ຈັດການເຄື່ອນໄຫວແທດຈິງຫຼາຍຢ່າງຢູ່ແຂວງ ກາວບັ່ງ, ເປັນຕົ້ນແມ່ນ ມອບຂອງຂວັນໃຫ້ແກ່ຄອບຄົວເປົ້າໝາຍນະໂຍບາຍ, ມອບທຶນການສຶກສາ ແລະ ລົດຖີບໃຫ້ແກ່ນັກຮຽນ, ນັກສຶກສາທີ່ປະສົບກັບຄວາມຫຍຸ້ງຍາກຢູ່ເມືອງ ຮ່າກວ໋າງ; ເລີ່ມດຳເນີນການກໍ່ສ້າງ ຫໍວັດທະນະທຳວົງຄະນະຍາດ ຊາວເຜົ່າ ໂລໂລ ຢູ່ເມືອງ ບ໋າວລາກ ແລະ ເປີດສະຫຼອງຫໍສະໝຸດຂອງໂຮງຮຽນຢູ່ຕາແສງ ດຶກລອງ.
(ແຫຼ່ງຄັດຈາກ VOV)
