ຂ່າວສານ

ສື່ມວນຊົນ ມາເລເຊຍ ຕີລາຄາສູງການເຄື່ອນໄຫວຈັດຕັ້ງ SEA Games 31 ຂອງ ຫວຽດນາມ

25/05/2022

ສື່ມວນຊົນໄດ້ລົງພິມຫຼາຍບົດຂຽນໃຫ້ຂໍ້ສັງເກດກ່ຽວກັບປະເທດເຈົ້າພາບ ຫວຽດນາມ ໄດ້ຈັດງານມະຫາກຳລິລາອາຊີຕາເວັນອອກສ່ຽງໃຕ້ ຄັ້ງທີ 31 (SEA Games 31) ແລະ ພິທີອັດທີ່ໜ້າປະທັບໃຈ ບັນລຸຜົນສຳເລັດ.

ພິທີອັດ SEA Games 31 (ພາບ: TTXVN)

ສຳນັກຂ່າວສານແຫ່ງຊາດ ມາເລເຊຍ (Bernama) ໄດ້ຕີລາຄາວ່າ ຫວຽດນາມ ໄດ້ຈັດ SEA Games 31 ຢ່າງປະສົບຜົນສຳເລັດ, ເຖິງວ່ານີ້ພຽງແຕ່ແມ່ນຄັ້ງທີ 2 ເປັນເຈົ້າພາບຈັດຕັ້ງເຫດການກິລາແຖວໜ້າພາກພື້ນ. ຜູ້ຂຽນກໍ່ມີຄວາມປະທັບໃຈຕໍ່ຜົນງານລະດັບສະຖິຕິຂອງບັນດານັກກິລາ ຫວຽດນາມ ເມື່ອຄວ້າໄດ້ 205 ຫຼຽນຄຳ.

ໃນຂະນະນັ້ນ, ບົດຂຽນໃນໜັງສືພິມ “New Straits Times” ກໍ່ໃຫ້ຂໍ້ສັງເກດຢ່າງພາວະວິໄສ ເມື່ອຖືວ່າ ປະເທດເຈົ້າພາບ ຫວຽດນາມ ໄດ້ຈັດການແຂ່ງຂັນດ້ວຍດີ ແລະ ບໍ່ພົບກັບບັນຫາກຳມະການທີ່ກໍ່ຄວາມໂຕະຖຽນກັນ, ເຊິ່ງແມ່ນສິ່ງທີ່ເຄີຍເກີດຂຶ້ນໃນ SEA Games ກ່ອນນີ້.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.