ຂ່າວສານ

ສັນຕະປະປາ ລີໂອ XIV ຮຽກຮ້ອງ ອິດສະຣາແອັນ ອະນຸຍາດໃຫ້ການຊ່ວຍເຫຼືອມະນຸດສະທຳເຂົ້າເຂດ ກາຊາ

22/05/2025

ໃນວັນທີ 11 ພຶດສະພາຜ່ານມາ, ສັນຕະປະປາ ກໍຮຽກຮ້ອງໃຫ້ບັນດາຝ່າຍຢຸດຍິງໃນທັນທີ ແລະ ປ່ອຍສິດເສລີໃຫ້ແກ່ຕົວປະກັນ ອິດສະຣາແອັນ ທັງໝົດທີ່ຖືກຂະບວນການອິດສະຣາມ ຮາມາດສ ກັກຕົວ.

ສະພາບການຢູ່ເຂດ ກາຊາ (ພາບ: Reuters)

ວັນທີ 21 ພຶດສະພາ, ເມື່ອກ່າວຄຳເຫັນໃນການພົບປະລວມປະຈຳອາທິດຢູ່ຈະຕຸລັດ Peter, ສັນຕະປະປາ ລີໂອ XIV ຮຽກຮ້ອງໃຫ້ ອິດສະຣາແອັນ ອະນຸຍາດໃຫ້ການຊ່ວຍເຫຼືອມະນຸດສະທຳເຂົ້າເຂດ ກາຊາ. ຕາມສັນຕະປະປາແລ້ວ, ສະພາບການຢູ່ເຂດ ກາຊາ ນັບມື້ນັບຮ້າຍແຮງ ແລະ ມີຄວາມວິຕົກກັງວົນ.

ໃນອາທິດທຳອິດຂອງອາຍຸການເປັນສັນຕະປະປາຂອງຕົນ, ສັນຕະປະປາ ລີໂອ XIV ໄດ້ເວົ້າເຖິງສະພາບການຢູ່ ກາຊາ ເປັນຫຼາຍຄັ້ງແລ້ວ. ໃນວັນທີ 11 ພຶດສະພາຜ່ານມາ, ສັນຕະປະປາ ກໍຮຽກຮ້ອງໃຫ້ບັນດາຝ່າຍຢຸດຍິງໃນທັນທີ ແລະ ປ່ອຍສິດເສລີໃຫ້ແກ່ຕົວປະກັນ ອິດສະຣາແອັນ ທັງໝົດທີ່ຖືກຂະບວນການອິດສະຣາມ ຮາມາດສ ກັກຕົວ.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.