ທ່ານເອກອັກຄະລັດຖະທູດຫວຽດນາມ ປະຈໍາ ສປປ.ລາວ ຫງວຽນບ໊າຮຸ່ງ

(ພາບ: Pham kien/TTXVN)

ທ່ານເອກອັກຄະລັດຖະທູດ ຫງວຽນບ໊າຮຸ່ງ ຢັ້ງຢືນວ່າ ໃນຕະຫຼອດຊຸມປີຜ່ານມາ, ສາຍພົວພັນມິດຕະພາບ, ນໍ້າໃຈສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ຫວຽດນາມ-ລາວ ສືບຕໍ່ພັດທະນາ, ນັບມື້ນັບເລິກເຊິ່ງກວ້າງຂວາງ, ແທດຈິງ ແລະ ມີປະສິດທິຜົນ, ນໍາມາເຊິ່ງຜົນປະໂຫຍດແທດຈິງ ແລະ ໃຫຍ່ຫຼວງໃຫ້ແກ່ປະຊາຊົນສອງປະເທດ. ປະຊາຊົນຫວຽດນາມ ຍາມໃດກໍປາດຖະໜາ, ພ້ອມແລ້ວທີ່ຈະຮ່ວມເດີນທາງ ແລະ ແບ່ງປັນກັບປະຊາຊົນລາວໃນກິດຈະການພັດທະນາປະເທດຊາດໃຫ້ໝັ້ນຄົງ ດ້ວຍຈິດໃຈສັດຊື່ບໍລິສຸດ, ນໍ້າໃຈສາມັກຄີ ແລະ ຄວາມສາມາດຂອງຕົນ, ພ້ອມກັນສູ້ຊົນຍົກການພົວພັນແບບພິເສດຫວຽດນາມ-ລາວ ຂຶ້ນສູ່ລະດັບສູງໃໝ່ຕາມທິດນໍາມີຄຸນນະພາບ, ມີປະສິດທິຜົນ, ແທດຈິງ, ຕອບສະໜອງຄວາມມຸ່ງມາດປາດຖະໜາຂອງປະຊາຊົນສອງປະເທດ.

        ທ່ານເອກອັກຄະລັດຖະທູດ ຫງວຽນບ໊າຮຸ່ງ ຖືວ່າ ປັດຈຸບັນ ຫວຽດນາມ ແລະ ລາວ ພວມຢືນຢູ່ຕໍ່ໜ້າກາລະໂອກາດພັດທະນາຫຼາຍຢ່າງ ແຕ່ກໍຕ້ອງປະເຊີນໜ້າກັບສິ່ງທ້າທາຍ ແລະ ຄວາມຫຍຸ້ງຍາກບໍ່ແມ່ນໜ້ອຍ. ສະນັ້ນ, ສອງປະເທດຄວນເພີ່ມທະວີ ແລະ ເສີມຂະຫຍາຍມູນເຊື້ອສາຍພົວພັນມິດຕະພາບ ທີ່ຍິ່ງໃຫຍ່, ນໍ້າໃຈສາມັກຄີແບບພິເສດ  ແລະ ການຮ່ວມມືຮອບດ້ານລະຫວ່າງສອງປະເທດໃຫ້ຫຼາຍກວ່າອີກ.

        ພັກ, ລັດ ແລະ ປະຊາຊົນຫວຽດນາມ ຈະພ້ອມກັບ ພັກ, ລັດ ແລະ ປະຊາຊົນລາວ ຕັດສິນໃຈປົກປັກຮັກສາ, ເພີ່ມພູນຄູນສ້າງສາຍພົວພັນມິດຕະພາບ, ນໍ້າໃຈສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະປະຊາຊົນສອງປະເທດຫວຽດນາມ - ລາວ ໃຫ້ພັດທະນາຢ່າງບໍ່ຢຸດຢັ້ງ, ນໍາສອງປະເທດກ້າວຂຶ້ນ, ຕອບສະໜອງຜົນປະໂຫຍດຂອງປະຊາຊົນ, ປະກອບສ່ວນສໍາຄັນເຂົ້າໃນພາລະກິດສັນຕະພາບ, ມິດຕະພາບ, ຮ່ວມມື ແລະ ພັດທະນາຢູ່ພາກພື້ນ ແລະ ໃນໂລກ. 

(ແຫຼ່ງຄັດຈາກ VOV)