ເນື່ອງໃນໂອກາດນີ້, ນັກປະພັນດົນຕີລຸ້ນຕ່າງໆ ໄດ້ພ້ອມກັນຫວນຄືນໄລຍະທາງ 60 ປີແຫ່ງການສ້າງຕັ້ງ ແລະ ພັດທະນາ, ສະມາຊິກສະມາຄົມນັກປະພັນດົນຕີ ຫວຽດນາມ ໄດ້ສືບທອດມູນເຊື້ອຂອງລຸ້ນກ່ອນ

ສະມາຄົມນັກປະພັນດົນຕີ ຫວຽດນາມໄດ້ຈັດຕັ້ງພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງ. 

      ຕອນເຊົ້າວັນທີ 17 ທັນວາ, ຢູ່ໂຮງລະຄອນໃຫຍ່ຮ່າໂນ້ຍ, ສະມາຄົມນັກປະພັນດົນຕີ ຫວຽດນາມໄດ້ຈັດຕັ້ງພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງ. ເນື່ອງໃນໂອກາດນີ້, ນັກປະພັນດົນຕີລຸ້ນຕ່າງໆ ໄດ້ພ້ອມກັນຫວນຄືນໄລຍະທາງ 60 ປີແຫ່ງການສ້າງຕັ້ງ ແລະ ພັດທະນາ, ສະມາຊິກສະມາຄົມນັກປະພັນດົນຕີ ຫວຽດນາມ ໄດ້ສືບທອດມູນເຊື້ອຂອງລຸ້ນກ່ອນ ດ້ວຍບັນດາທຳນອງເພງໂດຍເລີ່ມມາຈາກທຳນອງເພງຂອງຊາດ, ຕິດພັນກັບລັດທິຮັກຊາດຮັກການປະຕິວັດ, ຍ້ອງຍໍຊົມເຊີຍຊີວິດການເປັນຢູ່ຂອງປະຊາຊົນຜູ້ອອກແຮງງານ, ຍ້ອງຍໍຊົມເຊີຍຄວາມຮັກຂອງມະນຸດ, ຄວາມຮັກບ້ານເກີດເມືອງນອນ, ປະເທດຊາດ…
        ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີ ຫວູດຶກດາມ, ຊີ້ແຈ້ງວ່າ:
        “ນັກປະພັນດົນຕີ, ນັກສິລະປິນລຸ້ນຕ່າງໆ ໄດ້ເຊື່ອມຕົວເຂົ້າກັບຊີວິດການຕໍ່ສູ້, ການອອກແຮງງານ ແລະ ໃນພາລະກິດສ້າງສາ, ປົກປັກຮັກສາຂອງປະຊາຊົນ ຫວຽດນາມ ຢ່າງແທດຈິງ; ໄດ້ປະດິດສ້າງບັນດາບົດເພງຍືນຍົງຄົງຕົວກັບການເວລາ. ໃນ 12 ມໍລະດົກວັດທະນະທຳທີ່ບໍ່ເປັນວັດຖຸຕາງໜ້າໃຫ້ມວນມະນຸດ ໂດຍ UNESCO ເຊີດຊູ ມີ 8 ມໍລະດົກແມ່ນກ່ຽວກັບດົນຕີ. ນີ້ແມ່ນຄວາມເອກອ້າງທະນົງໃຈຂອງປະຊາຊົນທັງຊາດ ພິເສດແມ່ນບັນດາຜູ້ເຮັດວຽກງານດົນຕີ.”

 (ແຫຼ່ງຄັດຈາກ VOV)