ຂ່າວສານ

ວັນບຸນ “ເຫວ້ - ເມືອງຫຼວງແຫ່ງອາຫານການກິນ” ທີ່ເປັນເອກະລັກ

02/05/2022

ທ່ານຮອງປະທານ ຄະນະກຳມະການປະຊາຊົນແຂວງ ເທື່ອທຽນເຫວ້ ຫງວຽນແທັງບິ່ງ ໃຫ້ຮູ້ວ່າ, ວັນບຸນນີ້ແມ່ນເຫດການທີ່ມີຄວາມໝາຍໃນລະບົບ Festival ສີ່ລະດູ, ເພື່ອແນໃສ່ໂຄສະນາ, ແນະນຳຈຸດຍອດຢ້ຽມຂອງອາຫານການກິນເຫວ້ ກໍຄືເຂດພາກຕ່າງໆໃຫ້ແຂກທ່ອງທ່ຽວທັງພາຍໃນ ແລະ ຕ່າງປະເທດ.

ວັນບຸນນີ້ ໄດ້ໂຄສະນາ, ແນະນຳຈຸດຍອດຢ້ຽມຂອງອາຫານການກິນເຫວ້ ກໍຄືເຂດພາກຕ່າງໆໃຫ້ແຂກທ່ອງທ່ຽວ

ທັງພາຍໃນ ແລະ ຕ່າງປະເທດ

ຕອນຄ່ຳວັນທີ 30 ເມສາ, ຢູ່ສວນສາທາລະນະ ຕື໊ເຕື້ອງ, ນະຄອນ ເຫວ້ (ເທື່ອທຽນ - ເຫວ້), ພະແນກວັດທະນະທຳ, ກິລາ ແລະ ທ່ອງທ່ຽວແຂວງ ເທື່ອທຽນເຫວ້ ໄດ້ສົມທົບກັບສະມາຄົມວັດທະນະທຳອາຫານການກິນ ຫວຽດນາມ, ສູນ Festival ເຫວ້ ຈັດພິທີໄຂວັນບຸນ “ເຫວ້ - ເມືອງຫຼວງແຫ່ງອາຫານການກິນ”. ທ່ານຮອງປະທານ ຄະນະກຳມະການປະຊາຊົນແຂວງ ເທື່ອທຽນເຫວ້ ຫງວຽນແທັງບິ່ງ ໃຫ້ຮູ້ວ່າ, ວັນບຸນນີ້ແມ່ນເຫດການທີ່ມີຄວາມໝາຍໃນລະບົບ Festival ສີ່ລະດູ, ເພື່ອແນໃສ່ໂຄສະນາ, ແນະນຳຈຸດຍອດຢ້ຽມຂອງອາຫານການກິນເຫວ້ ກໍຄືເຂດພາກຕ່າງໆໃຫ້ແຂກທ່ອງທ່ຽວທັງພາຍໃນ ແລະ ຕ່າງປະເທດ. ອາຫານການກິນ ເຫວ້ ແມ່ນຫຼາຍເຍື່ອງ, ລວມມີອາຫານໃນວັງ, ອາຫານພື້ນເມືອງ ແລະ ອາຫານເຈ, ປະກອບສ່ວນສ້າງຄວາມອຸດົມສົມບູນໃຫ້ແກ່ມູນເຊື້ອວັດທະນະທຳຂອງດິນແດງກຸງເກົ່າເຫວ້. ວັນບຸນດັ່ງກ່າວຖືກດຳເນີນໃນລະຫວ່າງວັນທີ 30 ເມສາ ຫາວັນທີ 1 ພຶດສະພາ.

(ແຫຼ່ງຄັດຈາກ VOV)

ຫວຽດນາມ - ອິນໂດເນເຊຍ ຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານ; ສອງຝ່າຍອອກຖະແຫຼງການຮ່ວມ

11/03/2025
ຂ່າວສານ

ຕອນບ່າຍວັນທີ 10 ມີນາ, ຢູ່ນະຄອນຫຼວງ ຈາກາຕາ, ປະເທດ ອິນໂດເນເຊຍ, ພາຍຫຼັງພິທີຕ້ອນຮັບຢ່າງສົມກຽດຢູ່ທຳນຽບປະທານາທິບໍດີ ວັງ Merdeka, ເລຂາທິການໃຫຍ່ຄະນະບໍລິຫານງານສູນກາງພັກຄອມມູນິດ ຫວຽດນາມ ໂຕເລິມ ໄດ້ມີການພົບປະສອງຝ່າຍກັບທ່ານປະທານາທິບໍດີ ອິນໂດເນເຊຍ Prabowo Subianto. ນະທີ່ນີ້, ການນຳສອງທ່ານໄດ້ເຫັນດີຍົກລະດັບການພົວພັນ ຫວຽດນາມ - ອິນໂດເນເຊຍ ຂຶ້ນເປັນຄູ່ຮ່ວມມືຍຸດທະສາດຮອບດ້ານ. ທ່ານເລຂາທິການໃຫຍ່ ໂຕເລິມ ແລະ ທ່ານປະທານາທິບໍດີ Prabowo Subianto ເຫັນດີສືບຕໍ່ເຮັດໃຫ້ຄວາມໄວ້ເນື້ອເຊື່ອໃຈດ້ານການເມືອງລະຫວ່າງສອງປະເທດເລິກເຊິ່ງກວ່າອີກ ໂດຍຜ່ານການແລກປ່ຽນ, ພົບປະສອງຝ່າຍ, ໂດຍສະເພາະແມ່ນຄະນະຜູ້ແທນຂັ້ນສູງໃນທຸກຊ່ອງທາງ; ຜັນຂະຫຍາຍບັນດາກົນໄກຮ່ວມມືສອງຝ່າຍຢ່າງມີປະສິດທິຜົນ, ສ້າງແຜນການເຄື່ອນໄຫວໂດຍໄວ ເພື່ອຂຸດຄົ້ນ ແລະ ຍົກລະດັບການຮ່ວມມືໃນທຸກຂົງເຂດຢ່າງມີປະສິດທິຜົນ.