ລາຍການ “ ຫວຽດນາມ - ຄາດຫວັງຄວາມສະຫງົບສຸກ”  (ພາບ: TTXVN)

ຕອນຄ່ຳວັນທີ 31 ຕຸລາ, ຢູ່ຮ່າໂນ້ຍ, ສະຫະພັນໃຫຍ່ ແຮງງານ ຫວຽດນາມ ສົມທົບກັບກະຊວງສາທາລະນະສຸກ ແລະ ສະຖານີໂທລະພາບ ຫວຽດນາມ ຈັດຕັ້ງ ລາຍການ “ ຫວຽດນາມ - ຄາດຫວັງຄວາມສະຫງົບສຸກ” ແລະ ມອບລາງວັນ  ງານແຂ່ງຂັນ 2 ຄັ້ງ “ສຽງເພງຢູ່ດ່ານໜ້າ” ແລະ “ຄວາມຊົງຈຳທີ່ຍາກຈະຫຼົງລືມໄດ້”.

ລາຍການແມ່ນການສົມທົບລະຫວ່າງ ບັນດາບົດສາລະຄະດີ, ຄຼິບວີດີໂອ, ການພົບປະແລກປ່ຽນຢູ່ສະຖານີໂທລະພາບກັບ ບັນດາບຸກຄົນ ແລະ ບັນດາລາຍການສະແດງສິລະປະທີ່ພົ້ນເດັ່ນ ເຊິ່ງເປັນທີ່ຮູ້ຈັກຂອງທ່ານຜູ້ຊົມ ແລະ ບັນດາລາຍການໃໝ່ ທີ່ໄດ້ຮັບການສ້າງຂຶ້ນຈາກຜົນງານທີ່ບັນລຸໄດ້ລາງວັນສູງ ໃນງານແຂ່ງຂັນ “ສຽງເພງຢູ່ດ່ານໜ້າ” ໂດຍສະຫະພັນໃຫຍ່ແຮງງານ ຫວຽດນາມ ສົມທົບກັບສະມາຄົມນັກດົນຕີ ຫວຽດນາມ ຈັດຂຶ້ນ. ຢູ່ລາຍການ, ຜູ້ຕາງໜ້າການນຳພັກ, ລັດ ແລະ ຄະນະຈັດຕັ້ງໄດ້ມອບລາງວັນໃຫ້ບັນດານັກດົນຕີທີ່ມີຜົນງານດີເດັ່ນ, ຍ້ອງຍໍສັນລະເສີນພະນັກງານກຳມະບານ ແລະ ແຖວຖັນແພດໝໍ, ພະນັກງານການແພດ ຍ້ອນການອຸທິດສ່ວນອັນໃຫຍ່ຫຼວງໃນການຕໍ່ສູ້ຕ້ານໂລກລະບາດໂຄວິດ - 19 ໃນໄລຍະຜ່ານມາ.

(ແຫຼ່ງຄັດຈາກ VOV)