ຂ່າວສານ

ມະຫາວິທະຍາໄລແຫ່ງຊາດ ຮ່າໂນ້ຍ ເພີ່ມຂຶ້ນ 97 ຂັ້ນໃນຕາຕະລາງຈັດອັນດັບ Webometrics ເດືອນມັງກອນປີ 2023

03/02/2023

ມະຫາວິທະຍາໄລ ແຫ່ງຊາດ ຮ່າໂນ້ຍ ເພີ່ມຂຶ້ນ 97 ຂັ້ນເມື່ອທຽບໃສ່ກັບໝາກຜົນທີ່ໄດ້ປະກາດໃນເດືອນສິງຫາ ປີ 2022, ແຕ່ອັນດັບ 758 ຂຶ້ນ ອັນດັບ 661 ຂອງໂລກ, ຢູ່ອັນດັບ 137 ຂອງອາຊີ ແລະ ຢູ່ອັນດັບ 11 ຂອງອາຊີຕາເວັນອອກສ່ຽງໃຕ້, ສືບຕໍ່ຮັກສາລະດັບທີໜຶ່ງຢູ່ ຫວຽດນາມ.

ຕາຕະລາງຈັດອັນດັບມະຫາວິທະຍາໄລ ຢູ່ອາຊີຕາເວັນອອກສ່ຽງໃຕ້ (ພາບ: webometrics.info)

ວັນທີ 1 ກຸມພາ, ມະຫາວິທະຍາໄລແຫ່ງຊາດ ຮ່າໂນ້ຍ ໃຫ້ຮູ້ວ່າ: ຫ້ອງການທົດລອງ Cybermetrics Labs (ຂຶ້ນກັບສະພາຄົ້ນຄ້ວາແຫ່ງຊາດ ແອັດສະປາຍ) ຫາກໍ່ປະກາດຕາຕະລາງຈັດອັນດັບ ຄັ້ງທີ 1 ປີ 2023, ໃນນັ້ນ, ມະຫາວິທະຍາໄລ ແຫ່ງຊາດ ຮ່າໂນ້ຍ ເພີ່ມຂຶ້ນ 97 ຂັ້ນເມື່ອທຽບໃສ່ກັບໝາກຜົນທີ່ໄດ້ປະກາດໃນເດືອນສິງຫາ ປີ 2022, ແຕ່ອັນດັບ 758 ຂຶ້ນ ອັນດັບ 661 ຂອງໂລກ, ຢູ່ອັນດັບ 137 ຂອງອາຊີ ແລະ ຢູ່ອັນດັບ 11 ຂອງອາຊີຕາເວັນອອກສ່ຽງໃຕ້, ສືບຕໍ່ຮັກສາລະດັບທີໜຶ່ງຢູ່ ຫວຽດນາມ.

Top 10 ຮາກຖານການສຶກສາມະຫາວິທະຍາໄລຂອງ ຫວຽດນາມ ໃນຕາຕະລາງຈັດອັນດັບເດືອນມັງກອນ ປີ 2023 ລວມມີ: ມະຫາວິທະຍາໄລແຫ່ງຊາດຮ່າໂນ້ຍ, ມະຫາວິທະຍາໄລ ໂຕນດຶກຖັງ, ມະຫາວິທະຍາໄລຢຸຍເຕິນ, ມະຫາວິທະຍາໄລຫງວຽນເຕິດແທັງ, ມະຫາວິທະຍາໄລ ສັບພະວິຊາຮ່າໂນ້ຍ, ມະຫາວິທະຍາໄລສັບພະວິຊາ ໂຮ່ຈີມິນ, ມະຫາວິທະຍາໄລເສດຖະກິດນະຄອນໂຮ່ຈີມິນ, ມະຫາວິທະຍາໄລ ອຸດສາຫະກຳ ນະຄອນໂຮ່ຈີມິນ, ມະຫາວິທະຍາໄລ ດ່ານັ້ງ ແລະ ມະຫາວິທະຍາໄລ ເກິ່ນເທີ.

(ແຫຼ່ງຄັດຈາກ VOV)

ເປີດສະຫຼອງສູນອາວະກາດ ຫວຽດນາມ: ພັດທະນາວິທະຍາສາດເຕັກໂນໂລຢີຈັກກະວານອາວະກາດ

14/03/2026
ຂ່າວສານ

ຕອນເຊົ້າວັນທີ 13 ມີນາ, ຢູ່ເຂດອຸດສາຫະກຳສູງ ຮວ່າລາກ, ຮ່າໂນ້ຍ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ແລະ ບັນດາຜູ້ແທນໄດ້ຕັດແຖບຜ້າເປີດສະຫຼອງກິດຈະກຳສູນອາວະກາດ ຫວຽດນາມ. ນີ້ແມ່ນພື້ນຖານໂຄງລ່າງທີ່ທັນສະໄໝ, ມີຂອບຂະໜາດ ແລະ ລະດັບເຕັກໂນໂລຢີນອນໃນກຸ່ມກ້າວໜ້າໃນພາກພື້ນອາຊີຕາເວັນອອກສ່ຽງໃຕ້, ໄດ້ຜັນຂະຫຍາຍດ້ວຍແຫຼ່ງທຶນຊ່ວຍເຫຼືອຫຼ້າ (ODA) ຂອງລັດຖະບານ ຍີ່ປຸ່ນ ລວມມູນຄ່າລົງທຶນກວ່າ 7.000 ຕື້ດົ່ງ (280 ລ້ານ USD).