ຂ່າວສານ

ພາສີ ຫວຽດນາມ ສະເໜີ 2 ຂໍ້ລິເລີ່ມໃນແຜນການດຳເນີນງານພາສີ ASEM ໄລຍະ 2020 – 2021

11/10/2019

ດ້ວຍຖານະເປັນປະເທດເຈົ້າພາບ ແລະ ປະທານຈັດຕັ້ງກອງປະຊຸມຫົວໜ້າກົມໃຫຍ່ພາສີເວທີປາໄສຮ່ວມມື ອາຊີ - ເອີຣົບ ຄັ້ງທີ 13 (ASEM 13).

ຄະນະ ຫວຽດນາມ (ພາບ: ອິນເຕີແນັດ)

ຂະແໜງພາສີ ຫວຽດນາມ ໄດ້ສະແດງໃຫ້ເຫັນຄວາມຕັ້ງໜ້າ, ຄວາມເປັນເຈົ້າການເຂົ້າຮ່ວມໃນວິວັດການສ້າງການກຳນົດທິດເຄື່ອນໄຫວໃຫ້ແກ່ການຮ່ວມມືພາສີ ASEM ໃນໄລຍະຈະມາເຖິງ ດ້ວຍການສະເໜີ 2 ຂໍ້ລິເລີ່ມໃນແຜນການດຳເນີນງານພາສີ ASEM ໄລຍະ 2020 – 2021.

ກ່າວຄຳເຫັນທີ່ກອງປະຊຸມຫົວໜ້າກົມໃຫຍ່ພາສີ ASEM ຄັ້ງທີ 13 ພວມດຳເນີນໄປຢູ່ແຂວງ ກ໋ວາງນິງ, ທ່ານ ຫງວຽນວັນເກິ່ນ, ຫົວໜ້າກົມໃຫຍ່ພາສີ ຫວຽດນາມ ໃຫ້ຮູ້ວ່າ: ກອງປະຊຸມໄດ້ກວດກາຄືນໝາກຜົນແຫ່ງການຜັນຂະຫຍາຍບັນດາໂຄງການດຳເນີນງານພາສີ ASEM ໄລຍະປີ 2018 – 2019 ແລະ ເຫັນດີເປັນເອກະພາບຕໍ່ແຜນການດຳເນີນງານພາສີ ASEM ໄລຍະປີ 2020 – 2021.

ຕາມນັ້ນແລ້ວ, ແຜນການດຳເນີນງານພາສີ ASEM ໄລຍະປີ 2020 – 2021 ຈະລວມມີບັນດາຂົງເຂດຄື: ຜ່ານແດນ, ການຄຸ້ມຄອງພາສີຢູ່ບັນດາທ່າກ່ຳປັ່ນທາງຜ່ານ, ກົນໄກປະຕູດຽວໃນສະພາບການນຳໃຊ້ປັນຍາປະດິດ ແລະ ເຕັກໂນໂລຊີລະບົບ (blockchain), ການຄ້າເອເລັກໂຕນິກຜ່ານຊາຍແດນ, ສະກັດກັ້ນການຂົນສົ່ງຢາເສບຕິດຜິດກົດໝາຍຜ່ານທາງແຈກຢາຍເມດ່ວນເຊື່ອມຕໍ່ ASEM ຜ່ານກົນໄກແບ່ງປັນ ແລະ ແລກປ່ຽນຂໍ້ມູນຂ່າວສານ…

(ແຫຼ່ງຄັດຈາກ VOV)

ລາວ ຈັດພິທີໂຮມຊຸມນຸມມິດຕິງ ສະເຫຼີມສະຫຼອງວັນໄຊຊະນະ ດ້ຽນບຽນຝູ ຄົບຮອບ 70 ປີ

07/05/2024
ຂ່າວສານ

ຕອນເຊົ້າວັນທີ 07 ພຶດສະພາ, ຢູ່ຫໍປະຊຸມແຫ່ງຊາດ, ທີ່ນະຄອນຫຼວງ ວຽງຈັນ ໄດ້ດຳເນີນພິທີໂຮມຊຸມນຸມມິດຕິງລະດັບຊາດ ເນື່ອງໃນໂອກາດສະເຫຼີມສະຫຼອງວັນໄຊຊະນະປະຫວັດສາດ ດ້ຽນບຽນຝູ ຄົບຮອບ 70ປີ (07 ພຶດສະພາ 1954 - ວັນທີ 7 ພຶດສະພາ 2024). ເຂົ້າຮ່ວມພິທີ, ມີທ່ານນາງ ປານີ ຢາທໍ່ຕູ້ ຮອງປະທານປະເທດ; ທ່ານ ສອນໄຊ ສີພັນດອນ ນາຍົກລັດຖະມົນຕີ ລາວ; ການນຳ, ອະດີດການນຳພັກ, ລັດລາວ; ກຳລັງປະກອບອາວຸດ ພ້ອມດ້ວຍປະຊາຊົນລາວບັນດາເຜົ່າໄດ້ເຂົ້າຮ່ວມເປັນຈຳນວນຫຼາຍ.