ຂ່າວສານ

ປະທານາທິບໍດີ Donald Trump ນາບຂູ່ຈັດວາງອັດຕາພາສີ 100% ຖ້າຫາກວ່າບັນດາປະເທດນອນໃນກຸ່ມ BRICS ກີດຂວາງສະກຸນເງິນ USD

02/12/2024

ວັນທີ 30 ພະຈິກ, ທ່ານປະທານາທິບໍດີ ອາເມລິກາ Donald Trump ຜູ້ຫາກໍ່ໄດ້ຮັບການເລືອກຕັ້ງ ຈະຈັດວາງອັດຕາພາສີ 100% ຖ້າຫາກວ່າບັນດາປະເທດໃນກຸ່ມພື້ນຖານເສດຖະກິດຫາກໍ່ພົ້ນເດັ່ນແຖວໜ້າໂລກ, ເອີ້ນຫຍໍ້ວ່າ BRICS ກີດຂວາງສະກຸນເງິນ USD.

ທ່ານປະທານາທິບໍດີ ອາເມລິກາ Donald Trump ຜູ້ຫາກໍ່ໄດ້ຮັບການເລືອກຕັ້ງ (ພາບ: Reuters)

ຕາມທ່ານ Donald Trump ແລ້ວ, ອາເມລິກາ ຕ້ອງການມີຄຳໝັ້ນສັນຍາຈາກບັນດາປະເທດນີ້ວ່າ ເຂົາເຈົ້າຈະບໍ່ສ້າງສະກຸນເງິນໃໝ່ຂອງ BRICS ຫຼື ສະໜັບສະໜູນບໍ່ວ່າສະກຸນເງິນໃດ ເພື່ອແນໃສ່ທົດແທນສະກຸນເງິນ USD. ຖ້າຫາກວ່າບັນດາປະເທດ BRICS ບໍ່ຍົກອອກຄຳໝັ້ນສັນຍາດັ່ງກ່າວ, ເຂົາເຈົ້າຈະຖືກຈັດວາງອັດຕາພາສີນຳເຂົ້າ 100% ຫຼື ຈະບໍ່ໄດ້ສົ່ງອອກຂາຍຢູ່ຕະຫຼາດອາເມລິກາ. ທ່ານ Donald Trump ກໍຢັ້ງຢືນວ່າ ກຸ່ມ BRICS ຈະບໍ່ມີໂອກາດທົດແທນສະກຸນເງິນ USD ໃນການຄ້າສາກົນ ແລະ ບໍ່ວ່າປະເທດໃດທີ່ພວມມານະພະຍາຍາມປະຕິບັດສິ່ງດັ່ງກ່າວ ຈະຕ້ອງ ກ່າວຄຳ“ອຳລາ”ກັບປະເທດ ອາເມລິກາ.

ກຸ່ມ BRICS ລວມມີ ປະເທດ ບຣາຊິນ, ລັດເຊຍ, ອິນເດຍ, ຈີນ, ອາຟະລິກາໃຕ້, ອີຢິບ, ເອທີໂອປີ, ອີຣານ ແລະ ສະຫະລັດ ອາຣັບ ເອມມີເລດ.

(ແຫຼ່ງຄັດຈາກ VOV)

ບູລະນະການຈັດຕັ້ງກົງຈັກໃຫ້ກະທັດລັດຍິ່ງໄວກໍ່ຍິ່ງມີຜົນດີໃຫ້ແກ່ປະເທດຊາດ

02/12/2024
ຂ່າວສານ

ກ່າວຄຳເຫັນທີ່ກອງປະຊຸມທົ່ວປະເທດເຊື່ອມຊືມ, ຜັນຂະຫຍາຍສະຫຼຸບວຽກງານປະຕິບັດມະຕິເລກທີ 18 - NQ/TW, ວັນທີ 1 ທັນວາ, ທ່ານເລຂາທິການໃຫຍ່ ໂຕເລິມ ໄດ້ເນັ້ນໜັກວ່າ ວຽກງານດຳເນີນການປະຕິວັດ ເຮັດໃຫ້ການຈັດຕັ້ງກົງຈັກຂອງລະບົບການເມືອງກະທັດລັດ ບໍ່ອາດຊັກຊ້າກ່ວານີ້ອີກ. ນີ້ແມ່ນໜ້າທີ່ສຳຄັນພິເສດ, ຕ້ອງປະຕິບັດດ້ວຍຄວາມຕັດສິນໃຈຢ່າງສູງສຸດ, ການກະທຳຢ່າງຂ້ຽວຂາດທີ່ສຸດຂອງທົ່ວລະບົບການເມືອງ.