ຂ່າວສານ

ປະທານາທິບໍດີ ອາເມລິກາ ເຂົ້າຮ່ວມ COP 27, ກອງປະຊຸມຂັ້ນສູງອາຊີຕາເວັນອອກ ແລະ G20

30/10/2022

ແຈ້ງການຂອງທຳນຽບຂາວ ໄດ້ຍົກອອກຢ່າງຈະແຈ້ງຢູ່ກອງປະຊຸມ COP 27 ປະທານາທິບໍດີ Joe Biden ຈະຍົກໃຫ້ເຫັນຄວາມຈຳເປັນກ່ຽວກັບເລື່ອງໂລກ ຕ້ອງພ້ອມກັນມີການກະທຳໃນທົດສະວັດທີ່ມີລັກສະນະຕັດສິນນີ້.

ທ່ານປະທານາທິບໍດີ ອາເມລິກາ Joe Biden (ພາບ: AFP/TTXVN)

ວັນທີ 28 ຕຸລາ, ທຳນຽບຂາວໄດ້ປະກາດແຜນການຂອງທ່ານປະທານາທິບໍດີ ອາເມລິກາ Joe Biden ກ່ຽວກັບເຂົ້າຮ່ວມກອງປະຊຸມຄັ້ງທີ 27 ຂອງບັນດາຝ່າຍເຂົ້າຮ່ວມສົນທິສັນຍາແມ່ຂອງ ສປຊ ກ່ຽວກັບການປ່ຽນແປງຂອງດິນຟ້າອາກາດ (COP 27)ຢູ່ ເອຢິບ ແລະ ໄປປະຕິບັດງານຢູ່ອາຊີຕາເວັນອອກສ່ຽງໃຕ້, ເຂົ້າຮ່ວມບັນດາກອງປະຊຸມ ໃຫຍ່ຢູ່ກຳປູເຈຍ ແລະ ອິນໂດເນເຊຍ.

ຕາມແຜນການແລ້ວ, ວັນທີ 11 ເດືອນພະຈິກທີ່ຈະມາເຖິງນີ້ ທ່ານປະທານາທິບໍດີ Joe Biden ຈະເຂົ້າຮ່ວມກອງປະຊຸມ COP 27 ແລະ ຫຼັງຈາກນັ້ນຈະໄປຢ້ຽມຢາມປະເທດ ກຳປູເຈຍໃນລະຫວ່າງວັນທີ 12 – 13 ພະຈິກ ເພື່ອເຂົ້າຮ່ວມກອງປະຊຸມຂັ້ນສູງປະຈຳປີລະຫວ່າງອາເມລິກາ ແລະ ອາຊຽນ ແລະ ເຂົ້າຮ່ວມ ກອງປະຊຸມຂັ້ນສູງອາຊີຕາເວັນອອກ. ຕໍ່ຈາກນັ້ນ, ທ່ານ Joe Biden ຈະໄປຢ້ຽມຢາມອິນໂດເນເຊຍໃນລະຫວ່າງວັນທີ 13 – 16 ພະຈິກ ເພື່ອເຂົ້າຮ່ວມກອງປະຊຸມສຸດຍອດ ກຸ່ມບັນດາພື້ນຖານເສດຖະກິດພັດທະນາ ແລະ ຫາກໍ່ພົ້ນເດັ່ນຂຶ້ນແຖວໜ້າໂລກ (G20).

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.