ປະທານປະເທດເຈີນດ້າຍກວາງ ເຂົ້າຮ່ວມ ເວທີປາໄສ
ເຂົ້າຮ່ວມເວທີປາໄສມີການນຳຂັ້ນສູງມາຈາກ 29 ປະເທດ ພ້ອມກັບເລຂາທິການໃຫຍ່ສະຫະປະຊາຊາດ, ປະທານທະນາຄານໂລກ (WB), ຜູ້ອຳນວຍການໃຫຍ່ກອງທຶນເງິນຕາສາກົນ (IMF). ຄະນະຜູ້ແທນ ຫວຽດນາມ ໂດຍທ່ານປະທານປະເທດ ເຈີ່ນດ້າຍກວາງ ນຳໜ້າ.
ກ່າວຄຳເຫັນທີ່ກອງປະຊຸມ , ທ່ານປະທານປະເທດຫວຽດນາມ ເຈີນດ້າຍກວາງ ໄດ້ແບ່ງປັນຄວາມມານະພະຍາຍາມຂອງຫວຽດນາມໃນການຊຸກຍູ້ການຮ່ວມສຳພັນເສດຖະກິດ ແລະ ເຊື່ອມຈອດທາງຄົມມະນາຄົມກັບບັນດາປະເທດບ້ານໃກ້ເຮືອນຄຽງ, ໜູນຊ່ວຍບັນດາປະເທດ ບໍ່ມີທະເລ ແລະ ເປັນປະເທດທາງຜ່ານເຂົ້າຮ່ວມຢ່າງເລິກເຊິ່ງ ແລະ ຮັບຜົນປະໂຫຍດຈາກລະບົບການຄ້າທົ່ວໂລກ. ທ່ານປະທານປະເທດຫວຽດນາມ ເຈີນດ້າຍກວາງ ຍັງໄດ້ແບ່ງປັນກ່ຽວກັບບັນດາເປົ້າໝາຍຂອງປີ APEC 2017 ແລະຢືນຢັນວ່າ ຫວຽດນາມດ້ວຍບົດບາດແມ່ນປະເທດເຈົ້າພາບຈັດກອງປະຊຸມ APEC 2017, ໄດ້ ແລະ ພວມຕັ້ງໜ້າຮ່ວມມືກັບບັນດາພື້ນຖານເສດຖະກິດພາຄີເພື່ອຊຸກຍູ້ການສ້າງການ ພົວພັນຄູ່ຮ່ວມມືອາຊີ-ປາຊີຟິກເພື່ອການພັດທະນາແບບຍືນຍົງ.ເນື່ອງໃນໂອກາດ ທ່ານປະທານປະເທດຫວຽດນາມ ເຈີນດ້າຍກວາງ ຢ້ຽມຢາມທາງລັດຖະກິດຢູ່ຈີນ ແລະ ເຂົ້າຮ່ວມເວທີປາໄສຂັ້ນສູງຮ່ວມມືສາກົນ “ຂອບອ້ອມ ແລະ ແລວທາງ” . 2 ຝ່າຍໄດ້ອອກແຈ້ງການຮ່ວມ ໂດຍໃຫ້ຮູ້ວ່າ 2 ຝ່າຍເຫັນດີຮັກສາການພົບປະລະຫວ່າງການນຳຂັ້ນສູງຂອງ 2 ພັກ, 2 ລັດ, ເພີ່ມທະວີການພົວພັນແລກປ່ຽນ ແລະ ການຮ່ວມມືໃນທຸກຂົງເຂດ. 2 ຝ່າຍເຫັນດີປະຕິບັດ DOC ຢ່າງຮອບດ້ານ ແລະ ມີປະສິດທິຜົນ, ກ້າວໄປເຖິງການສ້າງ COC ໂດຍໄວ. ຄວບຄຸມຄວາມບໍ່ລົງລອຍກັນບົນທະເລ,ບໍ່ຄວນມີບັນດາການກະທຳເຮັດໃຫ້ສະພາບການເຄັ່ງຕຶງຂຶ້ນຕື່ມ.
ຝ່າຍຫວຽດນາມຢືນຢັນຍຶດໝັ້ນນະໂຍບາຍປະເທດຈີນດຽວ, ຄັດຄ້ານການກະທຳກໍ່ຄວາມແບ່ງແຍກ “ໄຕ້ຫວັນເອກະລາດ” ດ້ວຍທຸກຮູບການ. ຫວຽດນາມບໍ່ພັດທະນາການພົວພັນຢ່າງເປັນທາງການກັບໄຕ້ຫວັນ.
ສຳລັບການຮ່ວມມືສາກົນ, 2 ຝ່າຍເຫັນດີສືບຕໍ່ເພີ່ມທະວີການປະສານງານ ແລະ ສົມທົບກັນໃນຂອບເຂດຫຼາຍຝ່າຍເຊັ່ນ: ສ.ປ.ຊ, APEC, ອາຊຽນ, EAS, ARF …..
(ແຫຼ່ງຄັດຈາກ VOV)
