ທ່ານປະທານປະເທດ ເຈີ່ນດ້າຍກວາງ ເຮັດວຽກກັບອົງການກວດສອບແຫ່ງລັດ
(ພາບ: ວຽດເກືອງ/VOV)
ທີ່ການເຮັດວຽກກັບອົງການກວດສອບແຫ່ງລັດໃນວັນທີ 13/4, ທ່ານປະທານປະເທດ ເຈີ່ນດ້າຍກວາງ ໄດ້ເນັ້ນໜັກວ່າ: ອົງການກວດສອບແຫ່ງລັດແມ່ນເຄື່ອງມືສຳຄັນເພື່ອພົບເຫັນປະກົດການຫຍໍ້ທໍ້, ການສໍ້ລາດບັງຫຼວງ, ບໍ່ປະຕິບັດຕາມກົດໝາຍກ່ຽວກັບເສດຖະກິດ, ການເງິນ, ການນຳໃຊ້ບັນດາແຫຼ່ງກຳລັງຂອງລັດແມ່ນມີປະສິດທິຜົນຕ່ຳ. ທ່ານປະທານປະເທດ ສະເໜີໃຫ້ອົງການກວດສອບແຫ່ງລັດ ເປັນເຈົ້າການສະເໜີແນະກັບບັນດາອົງການມີສິດອຳນາດສະກັດກັ້ນ, ປ້ອງກັນ ແລະ ແກ້ໄຂການກະທຳລະເມີດ; ພ້ອມທັງ, ເປັນເຈົ້າການກວດສອບບັນຊີບັນດາຂະແໜງ, ອາຊີບ, ຂົງເຂດທີ່ເກີດການສໍ້ລາດບັງຫຼວງໄດ້ງ່າຍຄື: ທີ່ດິນ, ຊັບພະຍາກອນ, ໂລຫະ, ສິ່ງແວດລ້ອມ ແລະ ບັນດາໂຄງການລົງທຶນກໍ່ສ້າງ. ທ່ານປະທານປະເທດ ຮຽກຮ້ອງການເຄື່ອນໄຫວຂອງອົງການກວດສອບແຫ່ງລັດຍາມໃດກໍ່ຕ້ອງຕິດແທດ ແລະ ຮັບໃຊ້ວິວັດການຄຸ້ມຄອງ, ການບໍລິຫານຂອງບັນດາອົງການຄຸ້ມຄອງຂອງລັດ, ສົມທົບກັນຢ່າງແໜ້ນແຟ້ນກັບພະນັກງານ, ອົງການສູນກາງ, ຄະນະພັກ ແລະ ອຳນາດການປົກຄອງທ້ອງຖິ່ນໃນການເຄື່ອນໄຫວກວດສອບບັນຊີ, ປະກອບສ່ວນຕັ້ງໜ້າ, ແທດຈິງເຂົ້າໃນພາລະກິດແຫ່ງການປ່ຽນໃໝ່, ສ້າງສາປະເທດຊາດ.
(ແຫຼ່ງຄັດຈາກ VOV)
