ສູນພະຍາກອນ ອຸຕຸນິຍົມ ອຸທົກກະສາດ ແຫ່ງຊາດ ໃຫ້ຮູ້ວ່າ ຕອນຄ່ຳວັນທີ 27 ພະຈິກ, ພາຍຸ Koto ເຊິ່ງແມ່ນລູກທີ 15 ໄດ້ເຂົ້າເຖິງເຂດທະເລ ຫວຽດນາມ ໃນປີນີ້, ຢູ່ຫ່າງຈາກເກາະ ຊອງຕືໄຕປະມານ 230 ກີໂລແມັດ. ນັບແຕ່ປັດຈຸບັນຮອດວັນທີ 30 ພະຈິກ, ພາຍຸ Koto ມີທ່າອ່ຽງປ່ຽນທິດເດີນເປັນຫຼາຍຄັ້ງ, ເຮັດໃຫ້ເສັ້ນໂຄຈອນຂອງພາຍຸຍາກທີ່ຈະຄາດຄະເນລ່ວງໜ້າໄດ້. ຕໍ່ໜ້າການຜັນແປທີ່ສັບສົນຂອງ ພາຍຸ, ນະຄອນດ່ານັ້ງ ພວມຮີບດ່ວນຜັນຂະຫຍາຍບັນດາມາດຕະການຮັບປະກັນຄວາມປອດໄພໃຫ້ແກ່ກຳປັ່ນ ແລະ ເຂດຊຸມຊົນ, ເປັນຕົ້ນແມ່ນຢູ່ບັນດາພື້ນທີ່ມີຄວາມສ່ຽງເກີດດິນເຊາະເຈື່ອນ. ກອງບັນຊາການ ການປ້ອງກັນນະຄອນ ດ່ານັ້ງ ໄດ້ສົມທົບກັບຄະນະພັກ, ອຳນາດການປົກຄອງທ້ອງຖິ່ນບັນດາຂັ້ນ ປະຕິບັດທິດນຳ “4 ກັບທີ່”, ກວດກາບັນດາເຂດສຳຄັນ, ກຽມພ້ອມການລະດົມກຳລັງໜູນຊ່ວຍປະຊາຊົນຍົກຍ້າຍໄປຍັງບ່ອນປອດໄພ, ເສີມຄວາມແຂງແຮງໃຫ້ເຮືອນຢູ່ຕື່ມອີກເມື່ອມີຄວາມຕ້ອງການ.

ພ້ອມກັບດ່ານັ້ງ, ແຂວງແຄ້ງຮ່ວາ ພວມກ້າວເຂົ້າສູ່ໄລຍະຈຸດສຸມຂອງການຮັບມືກັບພາຍຸ Koto. ຄະນະກຳມະການປະຊາຊົນ ແຂວງແຄ້ງຮວ່າ ຮຽກຮ້ອງໃຫ້ປະຕິບັດການຫ້າມອອກທະເລແຕ່ເວລາ 7 ໂມງເຊົ້າຂອງວັນທີ 28 ພະຈິກ, ພາຍຫຼັງເວລາ 18ໂມງຂອງວັນດຽວກັນ, ລູກເຮືອໝົດທຸກຄົນຕ້ອງເຂົ້າຝັ່ງ, ບໍ່ໃຫ້ຜູ້ລ້ຽງສິນໃນນ້ຳຢູ່ໃນເຮືອນເຮືອຢ່າງເດັດຂາດ.