ຢູ່ໃນເຂດປິ່ນປົວຜູ້ຕິດເຊື້ອພະຍາດໂຄວິດ-19 ທີ່ມີອາການເຈັບໜັກຢູ່ໂຮງໝໍຫຼາຍຂະແໜງເຂດ ໄຕງວຽນເບິ່ງຄືວ່າບໍ່ມີນິຍາມກ່ຽວກັບວັນເວລາ.
![](https://imagevietnam.vnanet.vn//MediaUpload/Org/2022/02/27/ps2-gpln27-11-14-9.jpg)
(ຄົນເຈັບມານີ້ສ່ວນຫຼາຍແມ່ນມີອາການເຈັບໜັກ, ສະນັ້ນຕ້ອງເບິ່ງແຍງດູແລແຕ່ລະຊົ່ວໂມງ)
ຢູ່ເຂດປິ່ນປົວຜູ້ຕິດເຊື້ອພະຍາດໂຄວິດ-19 ທີ່ມີອາການເຈັບໜັກແລະອາການສຸຂະພາບອັນຕະລາຍ (ຊັ້ນ 3) ຂອງໂຮງໝໍຫຼາຍຂະແໜງເຂດໄຕງວຽນ, ບັນດາແພດໝໍພວມມານະພະຍາຍາມອຸທິດກຳລັງຄວາມສາມາດດ້ານວິຊາສະເພາະທັງເວັນແລະຄືນ, ຮັກສາຄວາມປະເອີບໃຈໄວ້,ເພື່ອຮ່ວມເດີນທາງພ້ອມກັບຄົນເຈັບ. ເນື່ອງໃນໂອກາດວັນແພດໝໍຫວຽດນາມ 27 ກຸມພາ, ນັກຂ່າວນາມຈາງມີບົດຂຽນກ່ຽວກັບຄວາມມານະພະຍາຍາມຂອງແພດໝໍໃນການຕໍ່ສູ້ຍາດເອົາຊີວິດມາໃຫ້ຄົນເຈັບ.
ຢູ່ໃນເຂດປິ່ນປົວຜູ້ຕິດເຊື້ອພະຍາດໂຄວິດ-19 ທີ່ມີອາການເຈັບໜັກຢູ່ໂຮງໝໍຫຼາຍຂະແໜງເຂດ ໄຕງວຽນເບິ່ງຄືວ່າບໍ່ມີນິຍາມກ່ຽວກັບວັນເວລາ. ໂດຍເຂົ້າຮ່ວມນັບແຕ່ພະຍາດໂຄວິດ-19 ຫາກໍແຜ່ລະບາດແລະໄດ້ເຂົ້າຮ່ວມການປິ່ນປົວໂດຍກົງ 5 ຄັ້ງໃຫ້ແກ່ຜູ້ເຈັບໜັກ, ທ່ານໝໍຫວໍຟີບິ່ງ, ຂະແໜງຟື້ນຟູຊີບ ໂຮງໝໍຫຼາຍຂະແໜງເຂດ ໄຕງວຽນໃຫ້ຮູ້ວ່າ: ຢູ່ເຂດປິ່ນປົວຄົນເຈັບໜັກ, ອາການສຸຂະພາບອັນຕະລາຍນີ້, ການລອດຊີວີດແລະເສຍຊີວິດແມ່ນບອບບາງຫຼາຍ.
“ຜູ້ຕິດເຊື້ອພະຍາດໂຄວິດ-19 ມີຄວາມຮູ້ສຶກຄືວ່າການລອດຊີວິດແລະເສຍຊີວິດແມ່ນມີໜ້ອຍທີ່ສຸດ. ຄົນເຈັບເຖິງວ່າອາການຍັງບໍ່ທັນເຈັບໜັກແຕ່ເຂົາເຈົ້າກໍ່ມີຄວາມກັງວົນ ສະນັ້ນຈຶ່ງເຮັດໃຫ້ຄົນເຈັບມີອາການເຈັບໜັກຂຶ້ນຕື່ມ ຂ້າພະເຈົ້າຕ້ອງລະດົມກຳລັງໃຈ, ໜູນຊ່ວຍດ້ານຈິດໃຈ. ສ່ວນຜູ້ເຈັບໜັກ, ນອກຈາກການປິ່ນປົວຖືກຕ້ອງຕາມການແນະນຳຂອງກະຊວງສາທາລະນະສຸກແລ້ວ, ຂ້າພະເຈົ້າຕ້ອງມານະພະຍາຍາມໜູນຊ່ວຍແລະປິ່ນປົວຢ່າງຕັ້ງໜ້າເພື່ອກອບກູ້ເອົາຊີວິດຂອງເຂົາເຈົ້າແລະຄວາມຈິງມີຢູ່ວ່າມີຜູ້ເຈັບໜັກຫຼາຍຄົນໄດ້ປິ່ນປົວຢ່າງມີປະສິດທິຜົນ”.
ປະຈຸບັນ, ຢູ່ເຂດຜູ້ຕິດເຊື້ອພະຍາດໂຄວິດ-19 ທີ່ມີອາການເຈັບໜັກ, ມີ 80 ຄົນພວມປິ່ນປົວຢູ່. ສ່ວນຫຼາຍແມ່ນຜູ້ອາຍຸສູງມີພະຍາດຕິດຕົວ. ພະຍາບານຕ້ອງຕັກເຕືອນເພື່ອໃຫ້ເຂົ້າເຈົ້າປະຕິບັດຖືກຕ້ອງກັບການປິ່ນປົວ, ໂດຍສະເພາະແມ່ນລະບົບທາດບຳລຸງໃນແຕ່ວັນ… ນາງພະຍາບານຫງວຽນທິລົກ, ແບ່ງປັນວ່າ:
“ຄົນເຈັບມານີ້ສ່ວນຫຼາຍແມ່ນມີອາການເຈັບໜັກບໍ່ມີຍາດຕິພີ່ນ້ອງ, ສະນັ້ນນ້ອງອີຕົນເຂົາເຈົ້າຫຼາຍ ຕ້ອງເຮັດຈົນສຸດຄວາມສາມາດ ເປັນຕົ້ນແມ່ນການຈັດຢາຫຼືເບິ່ງແຍງເຂົາເຈົ້າ, ໃຫ້ກິນຢາ, ກິນນ້ຳນົມ, ເຂົ້າໜົມ, ກິນເຂົ້າ ກິນນ້ຳ ຕ້ອງເບິ່ງແຍງດູແລແຕ່ລະຊົ່ວໂມງຄືແນວນັ້ນ, ເມື່ອເຫັນວ່າຄົນເຈັບຂາດເຂີນອັນໃດ ຫຼື ຕ້ອງການຫຍັງແດ່ ພວກນ້ອງຈະຊ່ວຍເຫຼືອ ແລະຢູ່ນຳຕະຫຼອດ. ພວກນ້ອງມັກມາລະດົມກຳລັງໃຈໃຫ້ແກ່ຄົນເຈັບເປັນປະຈຳວ່າ ຈົ່ງມານະພະຍາຍາມຜ່ານຜ່າໃຫ້ໄດ້ ແລ້ວກັບເມືອເຮືອນຢູ່ພ້ອມໜ້າພ້ອມຕາກັບຄອບຄົວອີກ”.
ຄົນເຈັບທັງໝົດທີ່ພວມປິ່ນປົວຢູ່ທີ່ນີ້ລ້ວນແຕ່ໄດ້ຕິດຕາມຢ່າງໃກ້ຊິດ. ຍ້ອນວ່າຖ້າບໍ່ຕິດຕາມຄືແນວນັ້ນບາງເທື່ອຈະເສຍຊີວິດ. ຍ້ອນເຫດນັ້ນ, ພາລະກອນການແພດຍາມໃດກໍ່ຕ້ອງຕິດຕາມຄົນເຈັບໃນທຸກເວລາ.
ທ່ານໝໍຂະແໜງສະເພາະເຂດ 2 ຈິ້ງຮົ່ງເຍິດ, ຫົວໜ້າຂະແໜງຟື້ນຟູຊີບ, ຮັບຜິດຊອບປິ່ນປົວຜູ້ຕິດເຊື້ອພະຍາດໂຄວິດ-19 ມີອາການເຈັບໜັກໃຫ້ຮູ້ວ່າ, ນັບແຕ່ເດືອນສິງຫາປີ 2021 ມາຮອດປະຈຸບັນ, ເຂດປິ່ນປົວຢູ່ຊັ້ນ 3 ໄດ້ກາຍເປັນ “ເຂດສຸດທ້າຍ” ຮັບ, ປິ່ນປົວຜູ້ຕິດເຊື້ອພະຍາດໂຄວິດ-19 ມີພະຍາດຕິດຕົວມາພ້ອມແລະມີອາການອັນຕະລາຍຢູ່ດັກລັກ. ມາຮອດປະຈຸບັນ, ເຂດປິ່ນປົວນີ້ໄດ້ຮັບຄົນເຈັບເກືອບ 600 ຄົນ, ປິ່ນປົວຫາຍດີເປັນປົກກະຕິແລະສົ່ງລົງຊັ້ນ 2 ເກືອບ 400 ຄົນ. ຄົນເຈັບມາປິ່ນປົວຢູ່ທີ່ນີ້ ຍາມຫຼາຍທີ່ສຸດແມ່ນເກືອບ 100 ຄົນ.
“ຈຳນວນຄົນເຈັບສົ່ງມາປິ່ນປົວຢູ່ຂະແໜງແມ່ນຫຼາຍທີ່ສຸດແລະ ມາຮອດປະຈຸບັນພວກຂ້າພະເຈົ້າພວມມານະພະຍາຍາມຈຳກັດອັດຕາຜູ້ເສຍຊີວິດໃຫ້ຢູ່ລະດັບ 0,54% ໃນນັ້ນອັດຕາຜູ້ເສຍຊີວິດໃນທົ່ວປະເທດແມ່ນ 1,5% ແລະໃນໂລກແມ່ນ 1,4% ສິ່ງນັ້ນບໍ່ແມ່ນສິ່ງທີ່ເປັນໜ້າຊື່ນຊົມ ແຕ່ນັ້ນແມ່ນຄວາມມານະພະຍາຍາມຢ່າງສຸດຂີດຂອງບັນດາອ້າຍນ້ອງໃນຫົວໜ່ວຍ, ໃນຂະແໜງຍ້ອນວ່າຍັງຂາດເຂີນຫຼາຍຢ່າງທີ່ສົ່ງຜົນສະທ້ອນເຖິງບັນຫາປິ່ນປົວແຕ່ພວກຂ້າພະເຈົ້າໄດ້ມານະພະຍາຍາມຢ່າງສຸດຂີດ”.
ເມື່ອຄົນເຈັບປອດໄພໄດ້ອອກຈາກໂຮງໝໍກັບເມືອເຕົ້າໂຮມຢູ່ພ້ອມໜ້າພ້ອມຕາກັບຄອບຄົວນັ້ນແມ່ນຄວາມດີໃຈທີ່ສຸດຂອງບັນດາຜູ້ເປັນແພດໝໍຢູ່ເຂດປິ່ນປົວຜູ້ຕິດເຊື້ອພະຍາດໂຄວິດ-19 ທີ່ມີອາການເຈັບໜັກ ແລະອັນຕະລາຍ. ເຖິງວ່າການຕໍ່ສູ້ຍັງແກ່ຍາວ , ຄວາມຫຍຸ້ງຍາກລຳບາກຍັງຢູ່ຕໍ່ໜ້າກໍ່ຕາມ, ແຕ່ດ້ວຍຄວາມຕັດສິນໃຈ, ດ້ວຍໜ້າທີ່ຄວາມຮັບຜິດຊອບແລະຄວາມສຸດຈິດສຸດໃຈທີ່ມີຕໍ່ຄົນເຈັບ, ເຂົາເຈົ້າຍາມໃດກໍ່ເປັນແຜ່ນກັ້ນບັງເພື່ອປົກປ້ອງບັນດາຄົນເຈັບ, ນຳມາເຊິ່ງຄວາມສະຫງົບສຸກໃຫ້ແກ່ການດຳລົງຊີວິດຂອງປະຊາຊົນ./.
(ແຫຼ່ງຄັດຈາກ VOV)