ທີ່ລາຍການລວມມີບັນດາລາຍການສະແດງສິລະປະ “ຕີກອງວັນບຸນ - ຟ້ອນສິງໂຕ”, ສ້າງບັນຍາກາດອັນຟົດຟື້ນຢູ່ເຂດຊາຍແດນແຫ່ງຊາດ, ບັນດາບົດເພງກ່ຽວກັບວັນບຸນໄຫວ້ພະຈັນ, ເດັກນ້ອຍ ແລະ ປະທານໂຮ່ຈີມິນ, ພ້ອມກັບບັນດາລາຍການສະແດງມາຍາກົນ, ການແບ່ງກັນກິນເຂົ້າໝົມ ແລະ ໝາກໄມ້ໃນວັນບຸນ, ແຫ່ຄົມໄຟ ນຳມາເຊິ່ງບັນຍາກາດຫຼິ້ນວັນບຸນໄຫວ້ພະຈັນທີ່ຄືກຄື້ນມ່ວນຊື່ນໃຫ້ແກ່ເດັກນ້ອຍເຂດພູສູງ. ໃນໂອກາດນີ້, ທ່ານ ເລຕຽນເຈົາ ຮອງນາຍົກລັດຖະມົນຕີ ຫວຽດນາມ ໄດ້ມອບທຶນການສຶກສາໃຫ້ແກ່ພວກນ້ອງນັກຮຽນຕາງໜ້າໃຫ້ແກ່ບັນດານ້ອງໆທີ່ມີຜົນການຮຽນດີ, ຂຶ້ນກັບໂຄງການ “ຊວ່ຍນ້ອງໄປໂຮງຮຽນ - ລູກລ້ຽງປ້ອມຊາຍແດນ” ແລະ ໂຄງການ “ພະນັກງານ, ນັກຮົບ ແລະ ທະຫານຊ່ວຍນ້ອງໄປໂຮງຮຽນ”.
ສ່ວນຢູ່ແຂວງ ລາວກາຍ, ໃນວັນທີ 19 – 20 ກັນຍາ, ບັນດາກົມກອງທະຫານຊາຍແດນແຂວງ ໄດ້ປະສານສົມທົບກັບບັນດາອົງການຂອງທ້ອງຖິ່ນ ຈັດລາຍການ “ຊາຍແດນ - ຄ່ຳຄືນວັນເດືອນເພັງ” ປີ 2026 ຢູ່ຕາແສງ ອາໝູຊຸງ ແລະ ຕາແສງ ສີມາກາຍ, ໄດ້ມອບບັນດາຂອງຂວັນໃຫ້ແກ່ພວກນ້ອງນ້ອຍທີ່ປະສົບກັບຄວາມຫຍຸ້ງຍາກພິເສດ, ມອບຂອງຂວັນວັນບຸນໄຫວ້ພະຈັນໃຫ້ພວກນ້ອງນ້ອຍ, ສົມທົບການມອບຂອງຂວັນໃຫ້ແກ່ 100 ຄອບຄົວທີ່ປະສົບກັນຄວາມຫຍຸ້ງຍາກ, ຄອບຄົວທຸກຍາກໃນບໍລິເວນຕາແສງ.
