ຂ່າວສານ

ນາຍົກລັດຖະມົນຕີຢ້ຽມຊົມງານວາງສະແດງປຶ້ມສະເຫຼີມສະຫຼອງ 90 ປີແຫ່ງວັນສ້າງຕັ້ງພັກ

03/02/2020

ຕອນເຊົ້າວັນທີ 03 ກຸມພາ, ຢູ່ຫໍສະໝຸດແຫ່ງຊາດ ຫວຽດນາມ, ທີ່ນະຄອນຫລວງ ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ມາຢ້ຽມຊົມງານວາງສະແດງປຶ້ມສະເຫຼີມສະຫຼອງ 90 ປີແຫ່ງວັນສ້າງຕັ້ງພັກກອມມູນິດ ຫວຽດນາມ (03/02/1930 – 03/02/2020).

ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ມາຢ້ຽມຊົມງານວາງສະແດງປຶ້ມສະເຫຼີມສະຫຼອງ 90 ປີ
ແຫ່ງວັນສ້າງຕັ້ງພັກກອມມູນິດ ຫວຽດນາມ (ພາບ: TTXVN)

ງານວາງສະແດງໂດຍກະຊວງຖະແຫຼງຂ່າວ ແລະ ສື່ສານ ຫວຽດນາມ ເປັນເຈົ້າພາບສົມທົບກັບຄະນະໂຄສະນາສຶກສາສູນກາງພັກ ພ້ອມດ້ວຍກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ຈັດຕັ້ງຂຶ້ນແຕ່ວັນທີ 02 – 09 ກຸມພາ 2020.

ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ຮັບຟັງການແນະນຳກ່ຽວກັບປຶ້ມຫລາຍຫົວຂອງບັນດາສຳນັກພິມຈຳໜ່າຍໃຫຍ່, ແນະນຳກ່ຽວກັບຂະບວນວິວັດແຫ່ງການສ້າງຕັ້ງພັກ, ບົດບາດນຳພາຂອງພັກ ແລະ ປະທານໂຮ່ຈີມິນ ໃນກິດຈະການຕໍ່ສູ້ຍາດເອົາເອກະລາດມາໃຫ້ປະເທດຊາດ, ກໍ່ສ້າງ ແລະ ປົກປັກຮັກສາປະເທດຊາດ; ກໍ່ຄືບັນດາຜົນງານຂອງຂະບວນວິວັດແຫ່ງການປ່ຽນແປງໃໝ່, ພັດທະນາ ແລະ ເຊື່ອມໂຍງເຂົ້າກັບສາກົນ.

(ແຫຼ່ງຄັດຈາກ VOV)

ຕຳຫຼວດທະເລຮ່ວມເດີນທາງພ້ອມກັບຊາວປະມົງ

16/12/2025
ຂ່າວສານ

ຕອນເຊົ້າວັນທີ 15 ທັນວາ, ຢູ່ແຂວງ ແທັງຮວ໊າ, ຄະນະປະຈຳຄະນະພັກກອງບັນຊາການຕຳຫຼວດທະເລ ຫວຽດນາມ ໄດ້ສົມທົບກັບຄະນະປະຈຳພັກແຂວງ ແທັງຮວ໊າ ຈັດຕັ້ງກອງປະຊຸມຜັນຂະຫຍາຍໂຄງການສົມທົບວຽກງານຂົນຂວາຍປະຊາຊົນ “ຕຳຫຼວດທະເລຮ່ວມເດີນທາງພ້ອມກັບຊາວປະມົງ” ໄລຍະ 2025 – 2030.