ຂ່າວສານ

ນາຍົກລັດຖະມົນຕີ ຫງວຽນຊວນຟຸກ ຕ້ອນຮັບຜູ້ວ່າການລັດ Thuringen ແຫ່ງສະຫະພັນເຢຍລະມັນ

09/04/2019

ຕອນບ່າຍວັນທີ 8 ເມສາ, ໃນການຕ້ອນຮັບທ່ານ B. Ramelow ຜູ້ວ່າການລັດ Thuringen ແຫ່ງສະຫະພັນເຢຍລະມັນ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ສະແດງຄວາມຫວັງວ່າ ທ່ານ B. Ramelow ຜູ້ວ່າການລັດ Thuringen ແຫ່ງສະຫະພັນເຢຍລະມັນ ຈະມີບົດບາດຊຸກຍູ້ສະຫະພາບເອີລົບຮັບຮອງເອົາສັນຍາການຄ້າເສລີຫວຽດນາມ - ສະຫະພາບເອີລົບ.

ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ແລະ ທ່ານ B. Ramelow ຜູ້ວ່າການລັດ Thuringen

ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ເຊື່ອໝັ້ນວ່າ ບົນພື້ນຖານສາຍພົວພັນຄູ່ຮ່ວມມືຍຸດທະສາດຫວຽດນາມ-ເຢຍລະມັນ, ຄວາມມານະພະຍາຍາມຂອງຜູ້ວ່າການລັດ Thuringen ເອງ, ການພົວພັນລະຫວ່າງ 2 ຝ່າຍຈະພັດທະນາຢ່າງແຂງແຮງໃນຫຼາຍຂົງເຂດ. ລັດຖະບານຫວຽດນາມໝັ້ນໝາຍສ້າງເງື່ອນໄຂສະດວກໃຫ້ແກ່ບັນດາວິສາຫະກິດເຢຍລະມັນເຄື່ອນໄຫວຢ່າງມີປະສິດທິຜົນຢູ່ຫວຽດນາມ.

ສ່ວນ ທ່ານ B. Ramelow ໃຫ້ຮູ້ວ່າ ລັດ Thuringen ຫວັງຢາກເປັນຂົວເຊື່ອມຕໍ່ເພື່ອໃຫ້ບັນດາວິສາຫະກິດຫວຽດນາມແຊກຊຶມເຂົ້າຕະຫຼາດເອີລົບ.

(ແຫຼ່ງຄັດຈາກ VOV)

ຫວຽດນາມ ຍູ້ແຮງການພົວພັນຕ່າງປະເທດສອງຝ່າຍຢູ່ AMM-58

12/07/2025
ຂ່າວສານ

ເນື່ອງໃນໂອກາດເຂົ້າຮ່ວມກອງປະຊຸມລັດຖະມົນຕີການຕ່າງປະເທດ ອາຊຽນ ຄັ້ງທີ 58 ຢູ່ Kuala Lumpur (ມາເລເຊຍ), ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ບຸຍແທັງເຊີນ ໄດ້ພົບປະກັບທ່ານລັດຖະມົນຕີການຕ່າງປະເທດ ບັນດາປະເທດ ຍີ່ປຸ່ນ, ຈີນ, ສະວິດ.