ຂ່າວສານ

ນາຍົກລັດຖະມົນຕີ ຟ້າມມີງຈິ໋ງ ໄດ້ໄປຮອດ ສປປ ລາວ ເພື່ອເຂົ້າຮ່ວມກອງປະຊຸມສຸດຍອດຄະນະກໍາມາທິການແມ່ນໍ້າຂອງ ສາກົນຄັ້ງທີ 4

04/04/2023

ຕາມຜູ້ສື່ຂ່າວຈາກ ສຳນັກຂ່າວສານ ຫວຽດນາມ, ໃນເວລາ 18 ໂມງ 25 ນາທີ ຂອງວັນທີ 4 ເມສາ, ເຄື່ອງບິນພິເສດ ຂອງທ່ານນາຍົກລັດຖະມົນຕີ ຟ້າມມີງຈິ໋ງ ພ້ອມດ້ວຍຄະນະຜູ້ແທນຂັ້ນສູງລັດຖະບານ ຫວຽດນາມ ໄດ້ເດີນທາງເຖິງສະໜາມບິນສາກົນ ວັດໄຕ, ນະຄອນຫຼວງ ວຽງຈັນ ແຫ່ງປະເທດ ສປປ ລາວ ເພື່ອເຂົ້າຮ່ວມກອງປະຊຸມສຸດຍອດ ຄະນະກໍາມາທິການແມ່ນໍ້າຂອງ ສາກົນຄັ້ງທີ 4 ຕາມຄຳເຊີນຂອງທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ.

ທ່ານນາຍົກລັດຖະມົນຕີ ຟ້າມມີງຈິ໋ງ ໄດ້ໄປຮອດນະຄອນຫຼວງວຽງຈັນ ແຫ່ງ ສປປ ລາວ, ເພືເລີ່ມຕົ້ນ ກອງປະຊຸມສຸດຍອດ ຄະນະກໍາມາທິການແມ່ນໍ້າຂອງສາກົນ ຄັ້ງທີ 4. ພາບ: ເຢືອງຢາງ/TTXVN

ທ່ານນາຍົກລັດຖະມົນຕີ ຟ້າມມີງຈິ໋ງ ເຂົ້າຮ່ວມກອງປະຊຸມສຸດຍອດ ຄະນະກໍາມາທິການແມ່ນໍ້າຂອງ ສາກົນຄັ້ງທີ 4 ຢູ່ນະຄອນຫຼວງວຽງຈັນ ແຫ່ງ ສປປ ລາວ. ພາບ: ເຢືອງຢາງ/TTXVN

ນອກຈາກການເຂົ້າຮ່ວມ ແລະ ກ່າວຄຳປາໄສທີ່ສຳຄັນທີ່ກອງປະຊຸມຄົບຄະນະ, ໃນໄລຍະເດີນທາງໄປປະຕິບັດງານເພື່ອ ເຂົ້າຮ່ວມກອງປະຊຸມສຸດຍອດ ຄະນະກໍາມາທິການແມ່ນໍ້າຂອງ ສາກົນຄັ້ງທີ 4, ທ່ານນາຍົກລັດຖະມົນຕີ ຟ້າມມີງຈິິ໋ງ ຈະມີການພົບປະສອງຝ່າຍ ແລະ ຫຼາຍຝ່າຍ ກັບບັນດາສະມາຊິກ ຄະນະກຳມາທິການແມ່ນ້ຳຂອງ.

ປະຕິບັດໂດຍ: VNA, VNP

ສ້າງກອບສະຖາປານິກສັງລວມປະເທດດີຈີຕອນ ຮັບໃຊ້ການບໍລິຫານປະເທດ

03/07/2026
ຂ່າວສານ

ຕອນບ່າຍວັນທີ 03 ກໍລະກົດ, ຢູ່ສຳນັກງານລັດຖະບານ, ທ່ານ ເລມິງຮຶງ ນາຍົກລັດຖະມົນຕີ ຫວຽດນາມ ໄດ້ເປັນປະທານກອງປະຊຸມກ່ຽວກັບການສ້າງກອບສະຖາປານິກສັງລວມປະເທດດີຈີຕອນ ແລະ ພັດທະນາບັນດາຮາກຖານຂໍ້ມູນແຫ່ງຊາດ, ເຕັກໂນໂລຢີຍຸດທະສາດ.