ການເຄື່ອນໄຫວຖົມດິນເປັນເກາະຢ່າງຜິດກົດໝາຍຂອງຈີນ ຢູ່ທະເລຕາເວັນອອກ
(ພາບ:Reuters)
ພາຍຫຼັງຄຳຕັດສິນຂອງສານ ອະນຸຍາໂຕຕຸລາການ ຢູ່ລາໄຮ ກ່ຽວກັບເລື່ອງຟ້ອງຮ້ອງ ຈີນ ຂອງ ຟີລິບປິນ ກ່ຽວກັບບັນຫາທະເລຕາເວັນອອກ, ບັນດາຝ່າຍກ່ຽວຂ້ອງຕ້ອງສືບຕໍ່ເຈລະຈາ ແລະ ນີ້ຈະແມ່ນການເຈລະຈາທີ່ແກ່ຍາວເພື່ອແນໃສ່ຫຼີກລ້ຽງການປະທະກັນ ແລະ ສົງຄາມ. ຕາມທ່ານ ປອ Pierre Journoud, ສາດສະດາຈານວິຊາປະຫວັດສາດຍຸກປະຈຸບັນຂອງມະຫາວິທະຍາໄລ Paul – Valery Montpellier 3, ພ້ອມທັງເປັນນັກຄົ້ນຄ້ວາຂອງສະຖາບັນຄົ້ນຄ້ວາຍຸດທະສາດ ຂຶ້ນກັບສະຖາບັນປ້ອງກັນປະເທດ ຝຣັ່ງ (IRSEM), ໃນຄຳຕັດສິນຍາວເກືອບ 500 ໜ້າທີ່ໄດ້ປະກາດເມື່ອວັນທີ 12/7, ສານອະນຸຍາໂຕຕຸລາການ ໄດ້ປະຕິເສດບັນດາຄຳຮຽກສິດຂອງຈີນ ກ່ຽວກັບ “ສິດປະຫວັດສາດ” ຢູ່ທະເລຕາເວັນອອກ. ສານກໍ່ຢັ້ງຢືນຢູ່ເຂດທີ່ພວມເກີດການຂັດແຍ້ງກັນ, ບໍ່ມີເກາະແຫ່ງຕ່າງໆຕາມເນື້ອໃນຈິດໃຈຂອງສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ (UNCLOS) 1982, ມີຄວາມໝາຍວ່າບັນດາເກາະທຽມໂດຍ ຈີນ ຖົມດິນກໍ່ສ້າງເກາະນັ້ນບໍ່ໄດ້ຮັບຖືວ່າແມ່ນບັນດາໂຄງສ້າງພູມສາດທີ່ມີເຂດເສດຖະກິດຈຳເພາະ (EEZ). ສາດສະດາຈານ Pierre Journoud ໃຫ້ຮູ້ວ່າ: ທັດສະນະຂອງ ອີຢູ ແລະ ຝຣັ່ງ ແມ່ນຄ້າຍຄືກັນ ຍ້ອນວ່າທັງ 2 ພ້ອມກັນສະໜັບສະໜູນຄວາມເສລີໃນການເດີນເຮືອ, ເຄົາລົບກົດໝາຍສາກົນ ແລະ ພິເສດແມ່ນ UNCLOS. ບັນດາປະເທດ ອີຢູ ຖືວ່າ: ບັນດາປະເທດກ່ຽວຂ້ອງຕ້ອງໃຫ້ຄຳໝັ້ນສັນຍາເຄົາລົບຫຼັກການເສລີໃນການເດີນເຮືອ, ເຄົາລົບກົດໝາຍສາກົນ ແລະ ເປັນກາງໃນການປະທະກັນກ່ຽວຂ້ອງເຖິງບັນດາຄຳຮຽກສິດຜືນແຜ່ນດິນຢູ່ທະເລຕາເວັນອອກ. ສາດສະດາຈານ Pierre Journoud ກໍ່ສະເໜີ ອີຢູ ແລະ ຝຣັ່ງ ຄວນສະແດງບົດບາດເປັນກຳລັງຍົກອອກບັນດາມາດຕະການການທູດ ແລະ ໝູນໃຊ້ບັນດາບົດຮຽນແກ້ໄຂບັນດາການປະທະກັນຂອງຕົນເພື່ອແນໃສ່ຊ່ວຍບັນດາປະເທດ ອາຊີ, ພິເສດແມ່ນ ອາຊີຕາເວັນອອກສ່ຽງໃຕ້ ໃນການແກ້ໄຂບັນດາການປະທະກັນບົນທະເລຕາເວັນອອກ.
(ພາບ:Reuters)
(ແຫຼ່ງຄັດຈາກ VOV)
