ທ່ານສາດສະດາຈານ, ປ.ອ ເວືອງດິ່ງເຫວະ, ປະທານສະພາແຫ່ງຊາດ ຫວຽດນາມ ກ່າວຄຳເຫັນທີ່ການໂອ້ລົມສົນທະນາ  

ການໂອ້ລົມສົນທະນາໂດຍສະຖາບັນການເມືອງແຫ່ງຊາດ ໂຮ່ຈີມິນ ຈັດຕັ້ງເພື່ອແນໃສ່ສ້າງເວທີປາໄສເພື່ອໃຫ້ບັນດານັກວິທະຍາສາດ, ນັກຊ່ຽວຊານ, ອະດີດຜູ້ເຮັດວຽກງານກ່ຽວກັບການສຶກສາ, ພະນັກງານ, ສະມາຊິກພັກ ຂອງສະຖາບັນ ພ້ອມກັນແລກປ່ຽນ, ປຶກສາຫາລື, ເສີມຂະຫຍາຍພູນປັນຍາ ໃນການປະກອບຄຳເຫັນເພື່ອປັບປຸງຮ່າງກົດໝາຍວ່າດ້ວຍທີ່ດິນ (ສະບັບປັບປຸງ)ໃຫ້ສຳເລັດ, ເຊິ່ງໄດ້ຈັດຂຶ້ນຕາມຮູບແບບທາງໄກ ຢູ່ສູນສະຖາບັນການເມືອງແຫ່ງຊາດໂຮ່ຈີມິນ

ກ່າວຄຳເຫັນທີ່ການໂອ້ລົມສົນທະນາ, ທ່ານປະທານສະພາແຫ່ງຊາດ ເວືອງດິ່ງເຫວະ ໄດ້ເນັ້ນໜັ້ກເຖິງບາງບັນຫາພື້ນຖານຕ້ອງຊາບຊືມເມື່ອປັບປຸງ, ເພີ່ມເຕີມກົດໝາຍວ່າດ້ວຍທີ່ດິນ. ນັ້ນແມ່ນຕ້ອງຕິດແທດ, ຫັນເປັນລະບອບລະບຽບການບັນດາແຜນການ, ການກຳນົດທິດ, ນະໂຍບາຍໃນເອກະສານຂອງກອງປະຊຸມໃຫຍ່ຄັ້ງທີ 13 ຂອງພັກຢ່າງຄົບຖ້ວນ, ສືບຕໍ່ບັນດາຂໍ້ກຳນົດທີ່ມີລັກສະນະສະຖຽນລະພາບຂອງກົດໝາຍ ວ່າດ້ວຍທີ່ດິນຜ່ານແຕ່ລະສະໄໝ ທີ່ໄດ້ຮັບການປະຕິບັດກວດກາໃນຕົວຈິງແລ້ວ, ຮັບປະກັນລັກສະນເປັນເອກະພາບ, ຄົບຊຸດ, ຄວາມເປັນໄປໄດ້ຂອງລະບົບກົດໝາຍ, ສ້າງກຳລັງໜູນໃຫ້ແກ່ການພັດທະນາເສດຖະກິດສັງຄົມ…