ຂ່າວສານ

ທ່ານປະທານປະເທດ ຫວໍ້ວັນເຖືອງ ຢ້ຽມຢາມ ທະຫານ ແລະ ປຊຊ ເມືອງເກາະ ໂກໂຕ

28/10/2023

ທ່ານປະທານປະເທດ ຫວໍ້ວັນເຖືອງ ປາດຖະໜາວ່າ ທະຫານ ແລະ ປຊຊ ໃນເກາະ ຈະສາມັກຄີກັນ ແລະ ມີສະຕິຄວາມຮັບຮູ້ຢ່າງຈະແຈ້ງກ່ຽວກັບທີ່ຕັ້ງ, ບົດບາດຂອງເມືອງເກາະ .

(ພາບ: TTXVN )

ເນື່ອງໃນໂອກາດການໄປປະຕິບັດງານຢູ່ແຂວງ ກວາງນິງ, ເຂົ້າຮ່ວມພິທີສະເຫຼີມສອງຫຼອງ 60 ປີແຫ່ງວັນສ້າງຕັ້ງແຂວງ, ຕອນເຊົ້າວັນທີ 28 ຕຸລາ, ທ່ານປະທານປະເທດ ຫວຽດນາມ ຫວໍ້ວັນເຖືອງ ພ້ອມດ້ວຍຄະນະປະຕິບັດງານໄດ້ຢ້ຽມຢາມ ທະຫານ ແລະ ປຊຊ ເມືອງເກາະ ໂກໂຕ (ແຂວງ ກວາງນິງ). ນະທີ່ນີ້, ທ່ານປະທານປະເທດ ຫວຽດນາມ ຫວໍ້ວັນເຖືອງ ໄດ້ຍ້ອງຍໍຊົມເຊີຍອົງຄະນະພັກ, ກຳນາດການປົກຄອງ, ທະຫານ ແລະ ປຊຊ ໃນເກາະ ທີ່ໃນຕະຫຼອດຫຼາຍປີຜ່ານມາ ໄດ້ອຸ່ນອ່ຽນໃຈປົກປັກຮັກສາເຂດທະເລ ເກາະ, ສ້າງສາ ແລະ ພັດທະນາເມືອງເກາະໃຫ້ຮັ່ງມີດ້ານເສດຖະກິດ ແລະ ເຂັ້ມແຂງດ້ານປ້ອງກັນຊາດປ້ອງກັນຄວາມສະຫງົບ. ທ່ານປະທານປະເທດ ຫວໍ້ວັນເຖືອງ ປາດຖະໜາວ່າ ທະຫານ ແລະ ປຊຊໃນເກາະ ຈະສາມັກຄີກັນ ແລະ ມີສະຕິຄວາມຮັບຮູ້ຢ່າງຈະແຈ້ງກ່ຽວກັບທີ່ຕັ້ງ, ບົດບາດຂອງເມືອງເກາະ ໃນທີ່ຕັ້ງຍຸດທະສາດລວມຂອງທົ່ວປະເທດ ເພື່ອປະຕິບັດສຳເລັດບົດບາດເປັນຈຸດອ້າງອີງໃຫ້ແກ່ການປ້ອງກັນໃຫ້ເຂດດິນຕໍ່ແຜ່ນ. ທ່ານໃສ່ໃຈເປັນພິເສດວ່າ, ແຂວງ ກວາງນິງ ກໍ່ຕ້ອງຖືເປັນສຳຄັນເຖິງບັນຫາປົກປັກຮັກສາສິ່ງແວດລ້ອມໃນເກາະ ແລະ ເອົາໃຈໃສ່ຕໍ່ການກໍ່ສ້າງ, ປັບປຸງບັນດາສະຖານທີ່ຫລີກລ້ຽງພະຍຸຂອງຊາວປະມົງ.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.