ທ່ານຮອງນາຍົກລັດຖະມົນຕີ ຫວູດຶກດາມ
(ພາບ: giaoduc.net.vn)
ຕອນຄ່ຳວັນທີ 17 ພະຈິກ, ຢູ່ຮ່າໂນ້ຍ, ກຳມະບານຂະແໜງສຶກສາຫວຽດນາມ ໄດ້ສົມທົບກັບກະຊວງສຶກສາ ແລະ ບຳລຸງສ້າງຫວຽດນາມ, ໂທລະພາບຫວຽດນາມ ຈັດລາຍການ “ສະແດງຄວາມຮູ້ບຸນຄຸນ” ປີ 2019 ດ້ວຍຫົວຂ້ໍວ່າ “ຄວາມມິດງຽບ” ເພື່ອແນໃສ່ເຊີດຊູ, ສະແດງຄວາມຮູ້ບຸນຄຸນບັນດາຄູອາຈານທີ່ໄດ້ ແລະ ພວມຜ່ານຜ່າຄວາມຫຍຸ້ງຍາກ, ອຸທິດສ່ວນໃຫ້ພາລະກິດສິດສອນ “ສ້າງຄົນ”.
ຢູ່ທີ່ນີ້, ທ່ານຮອງນາຍົກລັດຖະມົນຕີ ຫວູດຶກດາມ ໄດ້ແບ່ງປັນວ່າ: ໃນຊຸມປີຜ່ານມາ, ຂະແໜງສຶກສາ ແລະ ບຳລຸງສ້າງຫວຽດນາມ ບັນລຸໄດ້ຜົນງານທີ່ເປັນໜ້າປະທັບໃຈຫຼາຍຢ່າງ ແລະ ໄດ້ຮັບການຕີລາຄາສູງຈາກປະຊາຄົມສາກົນ. ທ່ານຮອງນາຍົກລັດຖະມົນຕີເນັ້ນໜັກວ່າ: ຄູອາຈານ ຕ້ອງມີທັງພູມປັນຍາ, ຕ້ອງມີທັງຈິດໃຈເມດຕາປານີ. ຄູອາຈານທຸກຄົນລ້ວນແຕ່ມານະພະຍາຍາມເພື່ອເອົາຊະນະຕົນເອງ, ສືບຕໍ່ເສີມຂະຫຍາຍຜົນງານດີເດັ່ນ, ແກ້ໄຂບັນດາສິ່ງຫຍໍ້ທໍ້, ຂໍ້ຈຳກັດທີ່ຍັງຄົງຕົວແມ່ນແນ່ນອນວ່າພາລະກິດແຫ່ງການປ່ຽນແປງໃໝ່ການສຶກສາຈະປະສົບຜົນສຳເລັດ, ຄຸນນະພາບແຫຼ່ງຊັບພະຍາກອນມະນຸດຂອງປະເທດຊາດຈະນັບມື້ນັບໄດ້ຮັບການຍົກສູງຂຶ້ນ.
ແຕ່ລະປີ, ລາຍກາຍ “ສະແດງຄວາມຮູ້ບຸນຄຸນ” ໄດ້ເລົ່າຄືນບັນດາເລື່ອງລາວທີ່ແຕກຕ່າງກັນກ່ຽວກັບບັນດາຄູອາຈານທີ່ເປັນແບບຢ່າງ ທີ່ພວມອຸທິດສ່ວນໃຫ້ແກ່ພາລະກິດການສຶກສາ ແລະ ບຳລຸງສ້າງຂອງຫວຽດນາມ.
(ແຫຼ່ງຄັດຈາກ VOV)
