(ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ, ກ່າວຄຳເຫັນທີ່ພິທີ)
ຕອນເຊົ້າວັນທີ 01 ພະຈິກ, ຢູ່ຮ່າໂນ້ຍ, ໄດ້ດຳເນີນກອງປະຊຸມໃຫຍ່ແຂ່ງຂັນຮັກຊາດຂະແໜງຍຸຕິທຳ ຄັ້ງທີ 5, ສະເຫຼີມສະຫຼອງ 75 ປີແຫ່ງວັນມູນເຊື້ອຂະແໜງຍຸຕິທຳ ແລະ ຮັບຫຼຽນໄຊແຮງງານຊັ້ນໜຶ່ງ ຄັ້ງທີ 3.
ກ່າວຄຳເຫັນຢູ່ທີ່ນີ້, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ຕີລາຄາສູງຕໍ່ເລື່ອງ ໃນໄລຍະຜ່ານມາ ຂະແໜງຍຸດຕິທຳໄດ້ຕັ້ງໜ້າເປັນເສນາທິການໃຫ້ແກ່ພັກ, ສະພາແຫ່ງຊາດ, ລັດຖະບານ ໃນການສ້າງລະບົບກົດໝາຍໃຫ້ສົມບູນແບບ, ໂດຍສະເພາະແມ່ນໃນການຜັນຂະຫຍາຍ ການປະຕິບັດຍຸດທະສາດສ້າງລະບົບກົດໝາຍຫວຽດນາມ ຮອດປີ 2010, ກຳນົດທິດຮອດປີ 2020 ໃຫ້ສົມບູນແບບ…
ທ່ານນາງປະທານສະພາແຫ່ງຊາດ ສະເໜີໃຫ້ຂະແໜງຍຸຕິທຳ ຕ້ອງເປັນເສນາທິການໃຫ້ຄະນະພະນັກງານພັກລັດຖະບານ ຍື່ນສະເໜີຕໍ່ຄະນະບໍລິຫານງານສູນກາງພັກຊຸດທີ 13 ພິຈາລະນາປະກາດມະຕິວ່າດ້ວຍຍຸດທະສາດສ້າງລັດແຫ່ງອຳນາດຕິບັນຍັດສັງຄົມນິຍົມຫວຽດນາມໃຫ້ສົມບູນແບບ, ດ້ວຍ 2 ເນື້ອໃນສຳຄັນກ່ຽວກັບການປະຕິຮູບຕຸລາການ ແລະ ຍຸດທະສາດກົດໝາຍຫວຽດນາມ ຮອດປີ 2030, ວິໄສທັດຮອດປີ 2045.
(ແຫຼ່ງຄັດຈາກ VOV)
