ກຳປັ່ນຂອງຊາວປະມົງ ຫວຽດນາມ ຍັງເຄື່ອນໄຫວຫາປາເປັນປົກກະຕິ
(ພາບປະກອບ)
ຕໍ່ໜ້າແຫຼງຂ່າວທີ່ຝ່າຍ ຈີນ ປະກາດໃຊ້ຄຳສັ່ງຫ້າມຫາປາຢູ່ເຂດທະເລຕາເວັນອອກ ແຕ່ວັນທີ 16/5/2015 ຮອດ ວັນທີ 1/8/2015, ຊາວປະມົງຫຼາຍຄົນຂອງ ຫວຽດນາມ ໄດ້ອອກສຽງຄັດຄ້ານ ແລະ ຢັ້ງຢືນຈະສືບຕໍ່ຫາປາ, ຕິດພັນກັບທະເລ. ຊາວປະມົງ ເລວັນແຫ້ງ, ຢູ່ເມືອງເກາະ ຫຼີເຊີນ, ແຂວງ ກວາງຫງາຍ ໃຫ້ຮູ້ວ່າ:(ພາບປະກອບ)
“ໝູ່ເກາະ ແລະ ທະເລຢູ່ຮ່ວາງຊາ ແມ່ນຂຶ້ນກັບອະທິປະໄຕຂອງ ຫວຽດນາມ, ຂ້າພະເຈົ້າແມ່ນຊາວປະມົງ ຫວຽດນາມ ດັ່ງນັ້ນມີສິດຫາສິນທະເລຢູ່ເຂດທະເລຂຶ້ນກັບອະທິປະໄຕຂອງຕົນ. ຝ່າຍຈີນ ເຄີຍອອກຄຳສັ່ງຫ້າມຫາປາມາຫຼາຍປີແລ້ວ, ແຕ່ເຮົາແມ່ນຊາວປະມົງ ຫວຽດນາມ, ເຮົາມີສິດເຄື່ອນໄຫວໃນເຂດທະເລຂອງ ຫວຽດນາມ ເປັນປົກກະຕິ.”
ທ່ານ ມາຍແທ່ງຟຸກ, ປະທານສະຫະສະມາຄົມອາຊີບຫາປາຕາແສງ ເຟືອກດົງ, ນະຄອນ ຍາຈາງ ໃຫ້ຮູ້ວ່າ:
“ພວກຂ້າພະເຈົ້າຍັງສືບຕໍ່ຕິດພັນກັບທະເລເປັນເວລາຫຼາຍມື້ກ່ວາເພື່ອຜະລິດ. ສຳລັບພໍ່ແມ່ປະຊາຊົນຊາວປະມົງພວກຂ້າພະເຈົ້າຄຳສັ່ງຫ້າມຫາປາຂອງຈີນ ແມ່ນໄຮ້ຄຸນຄ່າ, ຍ້ອນວ່ານີ້ແມ່ນເຂດທະເລຂອງ ຫວຽດນາມ ເປັນຫຍັງຈຶ່ງຫ້າມຫາປາຢ່າງໄຮ້ເຫດຜົນຄືແນວນັ້ນ. ບັນດາກຳປັ່ນຂຶ້ນກັບສະຫະສະມາຄົມຍັງຄົງສືບຕໍ່ອອກສູ່ທະເລ, ບໍ່ມີກຳປັ່ນລຳໃດຢຸດຕິການເຄື່ອນໄຫວຢູ່.”
(ແຫຼ່ງຄັດຈາກ VOV)
