ຕອນເຊົ້າວັນທີ 19 ຕຸລາ, ກອງປະຊຸມຄັ້ງທີ 2 ຂອງຄະນະຊີ້ນຳການສ້າງບັນດາຫົວເລື່ອງຂຶ້ນກັບແຜນການ “ຍຸດທະສາດກໍ່ສ້າງ ແລະ ບູລະນະລັດແຫ່ງກົດໝາຍສັງຄົມນິຍົມ ຫວຽດນາມ ຮອດປີ 2030, ກຳນົດທິດຮອດປີ 2045” ໄດ້ດຳເນີນຢູ່ຫໍສະພາແຫ່ງຊາດ. ກ່າວຄຳເຫັນທີ່ກອງປະຊຸມ, ທ່ານປະທານສະພາແຫ່ງຊາດ ເວືອງດິ່ງເຫ້ວ ໃຫ້ຮູ້ວ່າ ເພື່ອມີພື້ນຖານຍື່ນສະເໜີຕໍ່ ກອງປະຊຸມຄັ້ງທີ 6 ຂອງ ຄະນະບໍລິຫານງານສູນກາງພັກກອມມູນິດ ຫວຽດນາມ ພິຈາລະນາ, ປະກາດໃຊ້ມະຕິກ່ຽວກັບຍຸດທະສາດກໍ່ສ້າງ ແລະ ບູລະນະລັດແຫ່ງກົດໝາຍສັງຄົມນິຍົມ ຫວຽດນາມຮອດປີ 2030, ກຳນົດທິດຮອດປີ 2045, ກົມການເມືອງ ສູນການພັກ ໄດ້ສ້າງຕັ້ງຄະນະຊີ້ນຳສູນກາງກ່ຽວກັບການ ສ້າງແຜນຮ່າງ ເຊິ່ງຄາດຄະເນຈະຍືນສະເໜີຕໍ່ກອງປະຊຸມຄັ້ງທີ 6 ຂອງ ຄະນະບໍລິການງານສູນກາງພັກ ໃນເດືອນຕຸລາ ປີ 2022.
ທີ່ກອງປະຊຸມຄັ້ງທີ 2, ທ່ານປະທານສະພາແຫ່ງຊາດ ເວືອງດິ່ງເຫ້ວ ໄດ້ເນັ້ນໜັກວ່າ: ລັດແຫ່ງກົດໝາຍແມ່ນຄຸນຄ່າລວມຂອງ ມວນມະນຸດ, ຮູບແບບລັດແຫ່ງກົດໝາຍສັງຄົມນິຍົມ ຫວຽດນາມ ທັງມີລັກສະນະກວມລວມຂອງ ມວນມະນຸດ ທັງມີລັກສະນະພິເສດສະເພາະຕາມກຳນົດທິດສັງຄົມນິຍົມ. ດັ່ງນັ້ນ, ບັນດາຫົວເລື່ອງຕ້ອງເຊື່ອມຊືມ, ຮັບປະກັນການສະແດງໃຫ້ເຫັນແຈ້ງລັກສະນະພິເສດ ແລະ ຕິດແທດກັບລັກສະນະ, ແຜນນະໂຍບາຍໃຫຍ່ຂອງ ພັກ, ລັດ ສຳລັບຂົງເຂດນີ້.
(ແຫຼ່ງຄັດຈາກ VOV)
