ທ່ານນາງປະທານສະພາແຫ່ງຊາດ ຫງວຽນທິກິມເງິນ ທີ່ພິທີ
ຕອນຄ່ຳວັນທີ 21 ທັນວາ, ຢູ່ແຂວງ ທ໊າຍງວຽນ ໄດ້ຈັດຕັ້ງລາຍການຖະຫວາຍທູບທຽນສະເຫຼີມສະຫຼອງ 60 ປີແຫ່ງວັນຊາວໜຸ່ມຕະລຸມບອນຂອງກອງຮ້ອຍ 915 ແລະ ປະກາດນຳເຂົ້າໃຊ້ການກິດຈະກຳບູລະນະປະຕິສັງຂອນ, ສ້ອມແປງເຂດປູຊະນີຍະສະຖານແຫ່ງຊາດ ກອງຮ້ອຍຊາວໜຸ່ມຕະລຸມບອນ 915.
ກ່າວຄຳເຫັນທີ່ພິທີຖະຫວາຍທູບທຽນ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ເນັ້ນໜັກວ່າ: ການເສຍສະຫຼະຊີວິດຂອງຊາວໜຸ່ມຕະລຸມບອນ 60 ຄົນໃນຄ່ຳຄືນ ວັນບຸນ ຄຼິດສະມາດ ຄາວນັ້ນ ແມ່ນຄວາມສູນເສຍອັນໃຫຍ່ຫຼວງກ່ຽວກັບຊີວິດອິນຊີຂອງກຳລັງຊາວໜຸ່ມຕະລຸມບອນ ຫວຽດນາມ. ການເສຍສະຫຼະຊີວິດນັ້ນໄດ້ກາຍເປັນແບບຢ່າງທີ່ໃສ ແຈ້ງກ່ຽວກັບລັດທິວິລະຊົນປະຕິວັດໃນພາລະກິດປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ. ທ່ານນາງປະທານສະພາແຫ່ງຊາດ ຫງວຽນທິກິມເງິນ ກ່າວວ່າ: “ນີ້ແມ່ນການເຄື່ອນໄຫວທີ່ມີຄວາມໝາຍທີ່ສຸດເພື່ອສະແດງຄວາມຮູ້ບຸນຄຸນຕໍ່ການອຸທິດສ່ວນອັນໃຫຍ່ຫຼວງຂອງບັນດານັກວິລະຊົນທີ່ເສຍສະຫຼະຊີວິດເພື່ອຊາດ, ທະຫານເສຍອົງຄະ, ນັກຮົບເກົ່າ, ອະດີດຊາວໜຸ່ມຕະລຸມບອນ. ຂ້າພະເຈົ້າໄດ້ຕີລາຄາສູງ ແລະ ຮັບຮູ້ຄະນະພັກ, ອຳນາດການປົກຄອງ ແລະ ປະຊາຊົນແຂວງ ທ໊າຍງວຽນ, ພ້ອມກັນຮ່ວມແຮງຮ່ວມໃຈ, ການປະກອບສ່ວນຂອງປະຊາຄົມວິສາຫະກິດ, ບັນດາຜູ້ໃຈບຸນໃຈກຸສົນໄດ້ລົງທຶນບູລະນະປະຕິສັງຂອນ, ສ້ອມແປງເປີດກ້ວາງກິດຈະກຳໃຫ້ໃຫຍ່ໂຕໂອໂຖງ, ສະອາດ, ສວຍງາມກ່ວາ, ສົມສັກສີເພື່ອສະແດງຄວາມຮູ້ບຸນຄຸນບັນດານັກຮົບວິລະຊົນ, ຊາວໜຸ່ມຕະລຸມບອນທີ່ເສຍສະຫຼະຊີວິດເພື່ອຊາດ.”
ວັນທີ 21 ທັນວາ, ກອງບັນຊາການທະຫານແຂວງ ຊອັກຈັງ ໄດ້ຈັດຕັ້ງການພົບປະສັງສັນກັບພະນັກງານ, ນາຍທະຫານຂັ້ນສູງທີ່ໄດ້ພັກກິນເບ້ຍບຳນານ ແລະ ຕ້ອນຮັບຫຼຽນໄຊປົກປັກຮັກສາປະເທດຊາດຊັ້ນ III.
ແລະ ກໍ່ໃນວັນດຽວກັນ, ບໍລິສັດ 72 (ຂຶ້ນກັບພົນລະພາກຫຼວງ 15, ກະຊວງປ້ອງກັນປະເທດ) ໄດ້ຈັດຕັ້ງພິທີເປີດສະຫຼອງ ແລະ ມອບ “ເຮືອນແຫ່ງນຳໃຈເພື່ອນຮ່ວມກົມກອງ” 13 ຫຼັງ ໃຫ້ບັນດາຄອບຄົວທີ່ປະສົບກັບຄວາມຫຍຸ້ງຍາກຢູ່ເຂດຊາຍແດນເມືອງ ດຶກເກີ.
ວັນທີ 21 ທັນວາ, ອົງການ Saigon Innovation Hub ຂຶ້ນກັບພະແນກວິທະຍາສາດ - ເຕັກໂນໂລຊີ ນະຄອນໂຮ່ຈີມິນ ຈັດຕັ້ງລາຍການພົບປະແລກປ່ຽນດ້ວຍຫົວຂໍ້ວ່າ “ສະໜາມຮົບ K -40 & 4.0: ເລີ່ມຕົ້ນທຸລະກິດໄປພ້ອມກັບເພື່ອນຮ່ວມກົມກອງ”.
(ແຫຼ່ງຄັດຈາກ VOV)
