ການພົບປະສົນທະນາແລກປ່ຽນມິດຕະພາບເຂດຊາຍແດນຫວຽດນາມ-ຈີນ

(ພາບ: TTXVN)

ທີ່ການໂອ້ລົມສົນທະນາ, ຜູ້ແທນພ້ອມກັບຫວນຄືນບັນດາໝາກຜົນພົ້ນເດັ່ນທີ່ບັນລຸໄດ້. ພົນໂທ ຫງວຽນຈິວິ້ງ, ຮອງລັດຖະມົນຕີກະຊວງປ້ອງກັນປະເທດຫວຽດນາມ, ຖືວ່າ, ຜ່ານການເຄື່ອນໄຫວພົບປະແລກປ່ຽນ ໂດຍກະຊວງປ້ອງກັນປະເທດຂອງ 2 ປະເທດເປັນເຈົ້າພາບຈັດຕັ້ງ, ຜູ້ໄດ້ຮັບຜົນປະໂຫຍດແມ່ນປະຊາຊົນຂອງ 2 ປະເທດ, ໂດຍສະເພາະແມ່ນປະຊາຊົນຢູ່ເຂດຊາຍແດນ. ຜ່ານບັນດາການພົບປະແລກປ່ຽນ, ບັນດາຜູ້ບັນຊາການ, ພະນັກງານ, ນັກຮົບ 2 ຝ່າຍມີຄວາມເຂົ້າໃຈເຊິ່ງກັນແລະກັນ, ຈາກນັ້ນ, ສ້າງຄວາມໄວ້ເນື້ອເຊື່ອໃຈ, ພ້ອມກັນສ້າງສາປະເທດຊາດ, ສ້າງນ້ຳໃຈສາມັກຄີຫວຽດນາມ - ຈີນ.

        ສ່ວນຝ່າຍຈີນ, ພົນຕີ ຈາວແຢວນໝິງ, ຮອງຫົວໜ້າກົມເສນາທິການລະຫວ່າງຄະນະພັກການທະຫານສູນກາງຈີນ, ຕີລາຄາວ່າ, ບັນດາການເຄື່ອນໄຫວຮ່ວມມືລະຫວ່າງກອງທັບ 2 ປະເທດໃນໄລຍະຜ່ານມາ ໄດ້ປະກອບສ່ວນເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ເສີມຂະຫຍາຍມູນເຊື້ອມິດຕະພາບລະຫວ່າງຫວຽດນາມ - ຈີນ.

        ສິ້ນສຸດການໂອ້ລົມສົນທະນາ, 2 ຝ່າຍໄດ້ລົງນາມໃນບົດບັນທຶກຊ່ວຍຈຳ ແລະ ເປັນເອກະພາບນຳກັນວ່າ ຈະຈັດງານພົບປະຄັ້ງທີ 6 ໃນປີ 2019.

(ແຫຼ່ງຄັດຈາກ VOV)