ຂ່າວສານ

ກອງປະຊຸມສຸດຍອດ ອາຊຽນຄັ້ງທີ 42: ການນຳອາຊຽນໄດ້ເຫັນດີເປັນເອກະພາບໃນການສ້າງເຄືອຂ່າຍໝູ່ບ້ານຕາແສງ ໃນພາກພື້ນ

12/05/2023

ເຄືອຂ່າຍໝູ່ບ້ານຕາແສງ ໃນອາຊຽນ ມີເປົ້າໝາຍສະໜອງພື້ນຖານໃຫ້ແກ່ການເຂົ້າຮ່ວມຂອງໝູ່ຄະນະບັນດາປະຊາຄົມ, ຊ່ວຍໃຫ້ສຽງເວົ້າຂອງເຂົາເຈົ້າໄດ້ຮັບການຮັບຟັງ.

ພາບປະກອບ: TTXVN

ກອງປະຊຸມສຸດຍອດ ອາຊຽນຄັ້ງທີ 42 ພວມດຳເນີນຢູ່ເທດສະບານ Labuan Bajo ຂອງ ອິນໂດເນເຊຍ, ວັນທີ 10 ພຶດສະພາ, ໄດ້ຮັບຮອງເອົາຖະແຫຼງການຮ່ວມຂອງບັນດາການນຳກ່ຽວກັບການສ້າງເຄືອຂ່າຍໝູ່ບ້ານຕາແສງ ໃນອາຊຽນ. ເຄືອຂ່າຍໝູ່ບ້ານຕາແສງ ໃນອາຊຽນ ມີເປົ້າໝາຍສະໜອງພື້ນຖານໃຫ້ແກ່ການເຂົ້າຮ່ວມຂອງໝູ່ຄະນະບັນດາປະຊາຄົມ, ຊ່ວຍໃຫ້ສຽງເວົ້າຂອງເຂົາເຈົ້າໄດ້ຮັບການຮັບຟັງ, ສ້າງກາລະໂອກາດ ໃຫ້ເຂົາເຈົ້າໄດ້ປະກອບສ່ວນກໍ່ຄືໄດ້ຮັບຜົນປະໂຫຍດຈາກການພັດທະນາ, ສ້າງເງື່ອນໄຂການຮ່ວມມື ແລະ ເຊື່ອມຕໍ່ລະຫວ່າງບັນດາໝູ່ບ້ານ ເພື່ອແນໃສ່ຊຸກຍູ້ການຫັນປ່ຽນຊົນນະບົດ. ແລະກໍ່ໃນວັນທີ 10 ພຶດສະພາ, ກອງປະຊຸມໄດ້ຮັບຮອງເອົາຖະແຫຼງການຂອງບັນດາການນຳວ່າດ້ວຍການຄ້າມະນຸດ (TIP) ຍ້ອນສວຍໃຊ້ເຕັກໂນໂລຢີ.

(ແຫຼ່ງຄັດຈາກ VOV)

ກົມ 16 (ກົມໃຫຍ່ 2) ຈັດພິທີຮັບນາມມະຍົດວິລະຊົນກຳລັງປະກອບອາວຸດປະຊາຊົນ

11/05/2026
ຂ່າວສານ

ພັກ, ລັດ ໄດ້ມອບນາມມະຍົດວິລະຊົນກຳລັງປະກອບອາວຸດປະຊາຊົນຄັ້ງທີ 2 ໃຫ່ແກ່ກົມ 16 ແມ່ນຄວາມເປັນກຽດ, ຄວາມເອກອ້າງທະນົງໃຈຢ່າງໃຫຍ່ຫຼວງ, ແຕ່ພ້ອມດຽວກັນນັ້ນກໍແມ່ນຄວາມຮັບຜິດຊອບທີ່ໜັກໜ່ວງທີ່ສຸດຂອງພະນັກງານ, ນັກຮົບຂອງກົມ 16 ເວົ້າສະເພາະ ແລະ ກົມໃຫຍ່ 2 ເວົ້າລວມ ຕ້ອງກຳນົດຢ່າງຈະແຈ້ງ ແລະ ຕັດສິນໃຈປະຕິບັດສຳເລັດໜ້າທີ່ໃນໄລຍະຈະມາເຖິງໃຫ້ດີກວ່າອີກ.