ພິທີອັດກອງປະຊຸມ

(ພາບ:VGP/Nhật Bắc)

ຕອນບ່າຍວັນທີ 6 ຕຸລາ, ພາຍຫຼັງພິທີອັດກອງປະຊຸມສູນກາງພັກຄັ້ງທີ 8 ຊຸດທີ 12, ຄະນະໂຄສະນາສຶກສາສູນກາງ ໄດ້ສົມທົບກັບຫ້ອງວ່າການສູນກາງພັກຈັດການປະຊຸມຂ່າວປະກາດກ່ຽວກັບໝາກຜົນຂອງກອງປະຊຸມ. ທ່ານ ເລກວາງຫວີງ, ຮອງຫົວໜ້າຫ້ອງວ່າການສູນກາງພັກ ໃຫ້ຮູ້ວ່າ: ພາຍຫຼັງເຮັດວຽກມາເປັນເວລາ 5 ວັນຢ່າງມີຄວາມຮັບຜິດຊອບ, ສຸມສະຕິປັນຍາ, ກອງປະຊຸມສູນກາງພັກຄັ້ງທີ 8 ຊຸດທີ 12 ໄດ້ປະສົບຜົນສຳເລັດຢ່າງຈົບງາມ, ປະຕິບັດສຳເລັດແຜນການທີ່ໄດ້ວາງອອກ. ທີ່ກອງປະຊຸມຄັ້ງນີ້, ສູນກາງໄດ້ຮັບຮອງເອົາບັນດາເນື້ອໃນພື້ນຖານຂອງມະຕິກ່ຽວກັບຍຸດທະສາດແຫ່ງການພັດທະນາແບບຍືນຍົງໃນຂົງເຂດເສດຖະກິດທະເລ ຫວຽດນາມ ຮອດປີ 2030, ວິໄສທັດຮອດປີ 2045; ກຳນົດຄວາມຮັບຜິດຊອບຕ້ອງເປັນແບບຢ່າງຂອງພະນັກງານ, ສະມາຊິກພັກ, ກ່ອນອື່ນໝົດແມ່ນກຳມະການກົມການເມືອງ, ກຳມະການຄະນະເລຂາ, ກຳມະການຄະນະບໍລິຫານງານສູນກາງພັກ; ຮັບຮອງເອົາບົດສະຫລຸບກ່ຽວກັບສະພາບການເສດຖະກິດ - ສັງຄົມ, ງົບປະມານແຫ່ງລັດປີ 2018, ແຜນການພັດທະນາເສດຖະກິດ - ສັງຄົມ, ງົບປະມານແຫ່ງລັດປີ 2019.

        ຄະນະບໍລິຫານງານສູນກາງພັກ ກໍ່ເຫັນດີເປັນເອກະພາບຢ່າງສູງຕໍ່ເລື່ອງສະເໜີທ່ານ ຫງວຽນຝູຈ້ອງ, ເລຂາທິການໃຫຍ່ຄະນະບໍລິຫານງານສູນກາງພັກ ກອມມູນິດ ຫວຽດນາມ ເພື່ອໃຫ້ສະພາແຫ່ງຊາດເລືອກຕັ້ງດຳລົງຕຳແໜ່ງເປັນປະທານປະເທດ ສສ ຫວຽດນາມ, ທີ່ກອງປະຊຸມສະໄໝສາມັນເທື່ອທີ 6, ສະພາແຫ່ງຊາດຊຸດທີ 14 ຈະມາເຖິງ; ເລືອກຕັ້ງກຳມະການຄະນະກຳມະການກວດກາສູນກາງຊຸດທີ 12 ສອງທ່ານຕື່ມອີກ, ນັ້ນແມ່ນທ່ານ ຫວໍທ໊າຍງວຽນ ແລະ ທ່ານ ເຈິ່ນດຶກຖັ໊ງ.

(ແຫຼ່ງຄັດຈາກ VOV)