ຂ່າວສານ

WHO ໃຫ້ຂໍ້ສັງເກດ ພະຍາດຝີຕຸ່ມລີງ ຍັງຢູ່ໃນຄວາມຄວບຄຸມ

26/05/2022

ໄລ່ມາຮອດປັດຈຸບັນ, ທົ່ວໂລກຢັ້ງຢືນມີຜູ້ຕິດເຊື້ອພະຍາດຝີຕຸມລີງ 131 ຄົນ ແລະ ເພີ່ມຂຶ້ນ 106 ຄົນ ນັບແຕ່ມື້ກວດພົບເຫັນພະຍາດດັ່ງກ່າວກ່ອນນີ້ປະມານ 3 ອາທິດ ຢູ່ບັນດາປະເທດຢູ່ນອກທະວີບ ອາຟະລິກາ - ເຊິ່ງເປັນບ່ອນປະຈຳທີ່ຂອງພະຍາດດັ່ງກ່າວ.

ເດັກນ້ອຍຜູ້ໜຶ່ງຢູ່ Liberia ທີ່ຕິດພະຍາດ ຝີຕຸ່ມລີງ (ພາບ: Getty Images/TTXVN)

ອົງການອະນາໄມໂລກ (WHO) ໄດ້ອອກຖະແຫຼງການໃນວັນທີ 24 ພຶດສະພາ ໂດຍໃຫ້ຮູ້ວ່າ ໄລ່ມາຮອດປັດຈຸບັນ, ທົ່ວໂລກຢັ້ງຢືນມີຜູ້ຕິດເຊື້ອພະຍາດຝີຕຸມລີງ 131 ຄົນ ແລະ ເພີ່ມຂຶ້ນ 106 ຄົນ ນັບແຕ່ມື້ກວດພົບເຫັນພະຍາດດັ່ງກ່າວກ່ອນນີ້ປະມານ 3 ອາທິດ ຢູ່ບັນດາປະເທດນອກທະວີບ ອາຟະລິກາ.

ໃນຖະແຫຼງການຂອງຕົນ, WHO ຕີລາຄາວ່າ ເຖິງວ່າ ການແຜ່ລະບາດຂອງພະຍາດດັ່ງກ່າວ ແມ່ນສິ່ງທີ່ບໍ່ເປັນປົກກະຕິ, ແຕ່ຍັງນອນຢູ່ໃນການຄວບຄຸມ. ອົງການດັ່ງກ່າວກໍໃຫ້ຮູ້ວ່າ ຈະຈັດກອງປະຊຸມເພີ່ມເຕີມ ເພື່ອແນໃສ່ຍົກອອກຂໍ້ສະເໜີແນະໃໝ່ໜູນຊ່ວຍບັນດາປະເທດສະມາຊິກຮັບມືກັບການແຜ່ລະບາດຂອງພະຍາດຝີຕຸ່ມລີງນີ້.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.