ຂ່າວສານ

UNICEF ຮຽກຮ້ອງ G7 ແລະ EU ແບ່ງປັນວັກຊິນໃຫ້ແກ່ບັນດາປະເທດທຸກຍາກໂດຍດ່ວນ

18/05/2021

ກຸ່ມບັນດາປະເທດອຸດສາຫະກຳແຖວໜ້າໂລກ (G7) ແລະ ສະຫະພາບເອີຣົບ (EU) ມີຄວາມສາມາດອຸປະຖຳວັກຊິນກັນພະຍາດໂຄວິດ - 19 ຫຼາຍກວ່າ 150 ລ້ານໂດສ ໃຫ້ແກ່ບັນດາປະເທດທີ່ພວມຂາດແຄນວັກຊິນກັນພະຍາດດັ່ງກ່າວ ໂດຍບໍ່ສົ່ງຜົນກະທົບຕໍ່ເປົ້າໝາຍສັກວັກຊິນຂອງຕົນ.

ວັກຊິນກັນພະຍາດໂຄວິດ - 19 Astra Zeneca (ພາບ: PAP/TTXVN)

ວັນທີ 17 ພຶດສະພາ, ກອງທຶນເພື່ອເດັກ ແຫ່ງ ສປຊ (UNICEF) ໃຫ້ຮູ້ວ່າ ກຸ່ມບັນດາປະເທດອຸດສາຫະກຳແຖວໜ້າໂລກ (G7) ແລະ ສະຫະພາບເອີຣົບ (EU) ມີຄວາມສາມາດອຸປະຖຳວັກຊິນກັນພະຍາດໂຄວິດ - 19 ຫຼາຍກວ່າ 150 ລ້ານໂດສ ໃຫ້ແກ່ບັນດາປະເທດທີ່ພວມຂາດແຄນວັກຊິນກັນພະຍາດດັ່ງກ່າວ ໂດຍບໍ່ສົ່ງຜົນກະທົບຕໍ່ເປົ້າໝາຍສັກວັກຊິນຂອງຕົນ. ທ່ານຜູ້ອໍານວຍການໃຫຍ່ UNICEF Henrietta Fore ຊີ້ແຈ້ງວ່າ ບັນດາປະເທດ G7 ແລະ EU ສາມາດປະຕິບັດວຽກງານນີ້ ໃນຂະນະທີ່ຍັງຄົງປະຕິບັດສຳເລັດຄຳໝັ້ນສັນຍາສັກວັກຊິນໃຫ້ແກ່ພົນລະເມືອງຂອງປະເທດຕົນໄດ້.

UNICEF ຮຽກຮ້ອງໃຫ້ບັນດາປະເທດ G7 ແລະ EU ຄວນຍູ້ໄວການແບ່ງປັນວັກຊິນໂດຍດ່ວນ ຈົນຮອດເວລາບັນລຸໄດ້ຮູບແບບຜະລິດວັກຊິນແບບຍືນຍົງ.

(ແຫຼ່ງຄັດຈາກ VOV)

ໄຊຊະນະ ດ້ຽນບຽນຝູ ສ້າງຂີດໝາຍອັນຍິ່ງໃຫຍ່ຂອງຍຸກສະໄໝ

08/05/2024
ຂ່າວສານ

ວັນທີ 07 ພຶດສະພາ, ຫວຽດນາມ ໄດ້ຈັດພິທີສະເຫຼີມສະຫຼອງວັນໄຊຊະນະ ດ້ຽນບຽນຝູ ຄົບຮອບ 70 ປີ (ວັນທີ 07 ພຶດສະພາ 1954 – 07 ພຶດສະພາ 2024) ຂຶ້ນຢ່າງສົມກຽດ, ເຊິ່ງເປັນໄຊຊະນະໄດ້ສ້າງຂີດໝາຍໃນປະຫວັດສາດໂລກ. ໄຊຊະນະ ດ້ຽນບຽນຝູ ບໍ່ພຽງແຕ່ຢັ້ງຢືນກຳລັງແຮງແຫ່ງຄວາມສາມັກຄີຂອງຊາດ ຫວຽດນາມ ເທົ່ານັ້ນ, ຫາກຍັງແມ່ນຈຸດເດັ່ນໃນປະຫວັດສາດປົດປ່ອຍຊາດໃນໂລກ, ແມ່ນແຫຼ່ງລະດົມກຳລັງໃຈຢ່າງໃຫຍ່ຫຼວງໃຫ້ແກ່ປະຊາຊາດທີ່ຮັກຫອມສັນຕິພາບ. ໄຊຊະນະ ດ້ຽນບຽນຝູ ຊຸກຍູ້ຂະບວນການປົດປ່ອຍຊາດທົ່ວໂລກບັນລຸໄດ້ໄຊຊະນະຢ່າງສົມບູນ.