(ພາບປະກອບ: TTXVN)
ບົດຂຽນໄດ້ໃຫ້ຂໍ້ສັງເກດວ່າ ຫວຽດນາມ ຍັງຄົງບັນລຸຜົນສຳເລັດໃນວຽກງານປ້ອງກັນ, ສະກັດກັ້ນໂລກລະບາດ ເຖິງວ່າໄດ້ປະເຊີນໜ້າກັບຄວາມຫຍຸ້ງຍາກຫຼາຍຢ່າງກໍຕາມ. ບົດຂຽນກໍໄດ້ຄັດສະເໜີຄຳເວົ້າຂອງ ທ່ານ Kenneth Atkinson, ຜູ້ຮ່ວມກໍ່ຕັ້ງບໍລິສັດການບັນຊີສາກົນ Grant Thornton ແລະ ຮອງປະທານສະພາທີ່ປຶກສາຂະແໜງການທ່ອງທ່ຽວ ຢູ່ຫວຽດນາມ ໂດຍໃຫ້ຮູ້ວ່າ: ໃນການກັບມາແຜ່ລະບາດໃນຄັ້ງໃໝ່ນີ້ ໄດ້ເຮັດໃຫ້ການເປີດປະຕູດ່ານຊາຍແດນມີຄວາມລະມັດລະວັງກວ່າ ແລະ ນີ້ກໍແມ່ນສິ່ງທ້າທາຍໃຫຍ່ທີ່ສຸດສຳລັບບັນດາບໍລິສັດທີ່ຢາກຟື້ນຟູບັນດາການເຄື່ອນໄຫວການທ່ອງທ່ຽວ ແລະ ການໂຮງແຮມ. ເຖິງຢ່າງໃດກໍຕາມ, ຂະແໜງການທ່ອງທ່ຽວພາຍໃນປະເທດ ອາດຈະນຳມາເຊິ່ງຄວາມຫວັງໃຫ້ແກ່ຂົງເຂດການທ່ອງທ່ຽວ ແລະ ການໂຮງແຮມ.
ທ່ານ Kenneth Atkinson ຫວັງວ່າ ສັນຍາການຄ້າເສລີລະຫວ່າງ ຫວຽດນາມ ແລະ ສະຫະພາບເອີຣົບ (EVFTA) ຫາກໍ່ມີຜົນສັກສິດຫວ່າງມໍ່ໆມານີ້ ຈະດຶງດູດນັກລົງທຶນຕ່າງປະເທດ ແລະ ບາງບໍລິສັດ ເອີຣົບ ຈະດຳເນີນການຜະລິດຢູ່ ຫວຽດນາມ.
(ແຫຼ່ງຄັດຈາກ VOV)