ຂ່າວສານ

50 ປີແຫ່ງການປະຕິບັດຄຳພິໄນກຳຂອງປະທານໂຮ່ຈີມິນ: ສຶກສາອົບຮົບອຸດົມການປະຕິວັດ, ຄຸນສົມບັດ, ແບບແຜນການດຳລົງຊີວິດວັດທະນະທຳໃຫ້ລຸ້ນໜຸ່ມ

20/05/2019

ຕອນບາຍວັນທີ 18 ພຶດສະພາ, ຢູ່ຮ່າໂນ້ຍ, ຄະນະໂຄສະນາສຶກສາສູນກາງ, ສູນກາງຄະນະຊາວໜຸ່ມກອມມູນິດໂຮ່ຈີມິນ, ສະຖາບັນການເມືອງແຫ່ງຊາດໂຮ່ຈີມິນ ໄດ້ຈັດກອງປະຊຸມສຳມະນາດ້ວຍຫົວເລື່ອງ “ສຶກສາອົບຮົບອຸດົມການປະຕິວັດ, ຄຸນສົມບັດ, ແບບແຜນການດຳລົງຊີວິດວັດທະນະທຳໃຫ້ລຸ້ນໜຸ່ມຕາມຄຳພິໄນກຳຂອງປະທານໂຮ່ຈີມິນ”.

50 ປີແຫ່ງການປະຕິບັດຄຳພິໄນກຳຂອງປະທານໂຮ່ຈີມິນ

ກອງປະຊຸມສຳມະນາດັ່ງກ່າວໄດ້ສຸມໃສ່ແລກປ່ຽນ, ເຮັດແຈ້ງບາງບັນຫາຄື: ບັນດາບັນຫາທິດສະດີ, ພຶດຕິກຳຕົວຈິງ ແລະ ເນື້ອໃນຕົ້ນຕໍຂອງແນວຄິດໂຮ່ຈີມິນ ໃນການບຳລຸງສ້າງ, ສຶກສາອົບຮົບອຸດົມການປະຕິວັດ, ຄຸນສົມບັດ, ແບບແຜນການດຳລົງຊີວິດວັດທະນະທຳໃຫ້ລຸ້ນໜຸ່ມ ເພື່ອແນໃສ່ປຸກລຸກນ້ຳໃຈຮັກຊາດຕາມຄຳພິໄນກຳຂອງປະທານໂຮ່ຈີມິນ; ເສີມຂະຫຍາຍບົດບາດຂອງຄະນະຊາວໜຸ່ມໃນການເຂົ້າຮ່ວມກໍ່ສ້າງພັກ ແລະ ສາມັກຄີ, ເຕົ້າໂຮມຊາວໜຸ່ມ, ສ້າງຊາວໜຸ່ມຫວຽດນາມ ໃນຍຸກສະໄໝໃໝ່ໃຫ້ເຕັມໄປດ້ວຍນ້ຳໃຈຮັກຊາດມີແບບແຜນການດຳລົງຊີວິດທີ່ດີງາມ, ມີອຸດົມການປະຕິວັດ, ມີຄຸນທາດວັດທະນະທຳຊາວຫວຽດນາມ; ບັນດາບົດຮຽນພຶດຕິກຳຕົວຈິງເພື່ອແນໃສ່ຍົກສູງປະສິດທິຜົນໃນວຽກງານບຳລຸງສ້າງ ສຶກສາອົບຮົບອຸດົມການປະຕິວັດ, ຄຸນສົມບັດ, ແບບແຜນການດຳລົງຊີວິດວັດທະນະທຳໃຫ້ລຸ້ນໜຸ່ມຫວຽດນາມ ຕາມຄຳພິໄນກຳຂອງປະທານໂຮ່ຈີມິນໃນໄລຍະປະຈຸບັນ.

(ແຫຼ່ງຄັດຈາກ VOV)

ການນຳເຂົ້າ - ສົ່ງອອກປີ 2025 ຄາດວ່າບັນລຸວົງເງິນກວ່າ 920 ຕື້ USD

16/12/2025
ຂ່າວສານ

ການນຳເຂົ້າ - ສົ່ງອອກປີນີ້ຂອງ ຫວຽດນາມ ຄາດວ່າບັນລຸລະດັບ “ສູງສະຖິຕິ” ດ້ວຍມູນຄ່າກວ່າ 920 ຕື້ USD, ໃນນັ້ນ, ການສົ່ງອອກຄາດວ່າບັນລຸ 470 ຕື້ USD, ເຊິ່ງເປັນຕົວເລກສູງສະຖິຕິກ່ຽວກັບການນຳເຂົ້າ - ສົ່ງອອກ ນຳ ຫວຽດນາມ ຖືກຈັດເຂົ້າກຸ່ມ 20 ປະເທດແຖວໜ້າ ກ່ຽວກັບມູນຄ່າການຄ້ານຳເຂົ້າສົ່ງອອກ.