ຂ່າວສານ

ເປີດຕົວຄະນະປະສານງານສະມາຄົມພຸດທະສາສະໜາຫວຽດນາມ ປະຈໍາລາວ

13/11/2018

ວັນທີ 11 ພະຈິກ, ທີ່ວັດເຟີດຕິກ ນະຄອນຫຼວງວຽງຈັນ, ລາວ, ສູນກາງສະມາຄົມພຸດທະສາສະໜາຫວຽດນາມ ໄດ້ຈັດພິທີປະກາດຂໍ້ຕົກລົງ ແລະ ເປີດຕົວຄະນະປະສານງານສະມາຄົມພຸດທະສາສະໜາຫວຽດນາມ ປະຈໍາ ລາວ.

ພະສັງຄະນາຍົກ ທິກມິນກວາງ ກ່າວຄໍາເຫັນທີ່ພິທີ (ພາບ:phatgiao.org.vn)

ໂດຍຕາງໜ້າໃຫ້ອົງການພຸດທະສາສະໜາສໍາພັນລາວ, ພະອາຈານ ມະຫາເວດ ມະເສໄນ ໄດ້ມອບຂໍ້ຕົກລົງກ່ຽວກັບການສ້າງຕັ້ງຄະນະປະສານງານສະມາຄົມພຸດທະສາສະໜາຫວຽດນາມປະຈໍາລາວ ໃຫ້ ພະສັງຄະນາຍົກ ທິກມິນກວາງ, ຫົວໜ້າຄະນະປະສານງານສະມາຄົມພຸດທະສາສະໜາ ຫວຽດນາມ ປະຈໍາລາວ, ເຈົ້າອາວາດວັດເຟີດຕິກ.

ການສ້າງຕັ້ງຄະນະປະສານງານສະມາຄົມພຸດທະສາສະໜາຫວຽດນາມ ປະຈໍາລາວ ແມ່ນເພື່ອແນໃສ່ໜູນຊ່ວຍ ສະຫະພັນພຸດທະສາສະໜາລາວ ແລະ ສະມາຄົມພຸດທະສາສະໜາຫວຽດນາມໃນວຽກງານການຄຸ້ມຄອງ, ບໍລິຫານພະສົງສໍາມະເນນ ແລະ ພຸດທະສາສະນິກກະຊົນ ຫວຽດນາມ ທີ່ພວມເຮັດວຽກ ແລະ ດໍາລົງຊີວິດຢູ່ລາວ.

(ແຫຼ່ງຄັດຈາກ VOV)

ໂອກາດຢຸດຕິການປະທະກັນຢູ່ພາກພື້ນຕາເວັນອອກກາງ ຈາກແຜນການ 15 ຂໍ້

28/03/2026
ຂ່າວສານ

ພາຍຫຼັງການປະທະກັນຢູ່ພາກພື້ນຕາເວັນອອກກາງ ລະຫວ່າງ ອາເມລິກາ - ອິດສະລາແອັນກັບອີຣານ ລະເບີດຂຶ້ນເປັນເວລາ 1 ເດືອນ ແລະ ມີຄວາມເຄັ່ງຕຶງເພີ່ມຂຶ້ນຢ່າງແຮງນັ້ນ ເປັນຄັ້ງທຳອິດ ການປະທະກັນນັ້ນມີໂອກາດໄດ້ຮັບການແກ້ໄຂດ້ວຍເສັ້ນທາງໂອ້ລົມສົນທະນາ, ເມື່ອຝ່າຍອາເມລິກາ ສະເໜີ ແຜນການ 15 ຂໍ້ ກັບອີຣານ ເພື່ອແນໃສ່ຢຸດຕິການປະທະກັນ. ເຖິງຢ່າງໃດກໍຕາມ, ບັນດາຄວາມສ່ຽງການປະທະກັນເພີ່ມຂຶ້ນແມ່ນຍັງໃຫຍ່ຫຼວງທີ່ສຸດ.