ລາຍການສະແດງສິລະປະຂອງນັກສຶກສາ ຫວຽດນາມ ຢູ່ ມົດສກູ
ໃນບັນດາການເຄື່ອນໄຫວຕ້ອນຮັບບຸນປີໃໝ່ປະຈຳຊາດປີ ລະກາ 2017, ວັນທີ 30/1, ຄະນະຊາວໜຸ່ມກອມມູນິດ ໂຮ່ຈີມິນ ຢູ່ມະຫາວິທະຍາໄລພາສາ ລັດເຊຍ ທີ່ມີຊື່ວ່າ A.Pushkin ຢູ່ນະຄອນຫຼວງ ມົດສກູ ໄດ້ຈັດຕັ້ງລາຍການສະແດງສີລະປະ “ບຸນເຕັດ 2017 - ການເດີນທາງກັບເມືອບ້ານ”, ໄດ້ເຕົ້າໂຮມບັນດາລາຍການສະແດງສີລະປະທີ່ເປັນເອກະລັກສະເພາະຂອງວັດທະນະທຳ 3 ພາກຂອງ ຫວຽດນາມ. ລາຍການໄດ້ຮັບການສະໜັບສະໜູນຂອງຄະນະອຳນວຍການໂຮງຮຽນ, ກໍ່ຄືບັນດານັກສຶກສາ ຫວຽດນາມ ແລະ ຕ່າງປະເທດທີ່ມາຈາກມະຫາວິທະຍາໄລນັບສິບແຫ່ງຢູ່ ມົດສກູ. ບັນດານັກສຶກສາ ຫວຽດນາມ ໄດ້ແນະນຳໃຫ້ຄູອາຈານ ແລະ ເພື່ອນມິດສາກົນຮັບຊາບບັນດາຈຸດວັດທະນະທຳທີ່ເປັນເອກະລັກສະເພາະທີ່ສຸດຂອງ ຫວຽດນາມ ຈາກພາກເໜືອ ຕະຫຼອດຮອດພາກໃຕ້, ດ້ວຍຫົວຂໍ້ “ບຸນປີໃໝ່ປະຈຳຊາດ”.
(ແຫຼ່ງຄັດຈາກ VOV)
