• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຮັບປະກັນຄວາມສະຫງົບປອດໄພໃຫ້ແກ່ການເລືອກຕັ້ງສະພາແຫ່ງຊາດຊຸດທີ XV ຢ່າງສຸດຂີດ

      ສຸມໃສ່ກຳແໜ້ນສະພາບການ, ກວດພົບທຸກກົນອຸບາຍ, ແນວຄິດຫວັງມ້າງທຳລາຍການເລືອກຕັ້ງຂອງບັນດາກຳລັງທີ່ເປັນປໍລະປັກໂດຍໄວ.
(ທ່ານພົນຕີ ເລືອງຕາມກວາງ, ຮອງລັດຖະມົນຕີກະຊວງຕຳຫຼວດ)
      ຕອນບ່າຍວັນທີ 15 ເມສາ, ຢູ່ຮ່າໂນ້ຍ, ອະນຸກຳມະການຄວາມສະຫງົບປອດໄພການເລືອກຕັ້ງສະມາຊິກສະພາແຫ່ງຊາດຫວຽດນາມ ຊຸດທີ XV ແລະ ຜູ້ແທນສະພາປະຊາຊົນທຸກຂັ້ນອາຍຸການ 2021 – 2026 ໄດ້ຈັດວາລະປະຊຸມຄັ້ງທີ 4 ເພື່ອສຳຫຼວດກວດກາ, ຕີລາຄາວຽກງານຂອງອະນຸກຳມະການຢ່າງຮອບດ້ານ ພາຍຫຼັງວາລະປະຊຸມຄັ້ງທີ 3 ແລະ ຜັນຂະຫຍາຍທິດທາງ, ໜ້າທີ່ໃນໄລຍະຈະມາເຖິງ. ກ່າວຄຳເຫັນຢູ່ທີ່ນີ້, ທ່ານພົນຕີ ເລືອງຕາມກວາງ, ຮອງລັດຖະມົນຕີກະຊວງຕຳຫຼວດ, ຫົວໜ້າອະນຸກຳມະການ ໄດ້ຮຽກຮ້ອງໃຫ້ບັນດາສະມາຊິກຂອງອະນຸກຳມະການ, ບັນດາຫົວໜ່ວຍຕຳຫຼວດ, ທ້ອງຖິ່ນ ສືບຕໍ່ສຳຫຼວດກວດກາ, ເພີ່ມເຕີມ, ສ້າງບັນດາແຜນການ, ທິດທາງໃຫ້ສົມບູນແບບ ເພື່ອຮັບປະກັນຄວາມເປັນລະບຽບຮຽບຮ້ອຍໃຫ້ແກ່ການເລືອກຕັ້ງ, ບໍ່ປະໃຫ້ເກີດສິ່ງກະທັນຫັນ… ພ້ອມກັນນັ້ນຕ້ອງສຸມໃສ່ກຳແໜ້ນສະພາບການ, ກວດພົບທຸກກົນອຸບາຍ, ແນວຄິດຫວັງມ້າງທຳລາຍການເລືອກຕັ້ງຂອງບັນດາກຳລັງທີ່ເປັນປໍລະປັກໂດຍໄວ. ພ້ອມກັນນັ້ນ, ສືບຕໍ່ປະຕິບັດການປາບປາມອາດຊະຍາກຳ, ປ້ອງກັນ ສະກັດກັ້ນຊາວຕ່າງປະເທດເຂົ້າເມືອງຫວຽດນາມ ຢ່າງຜິດກົດໝາຍ, ປະກອບສ່ວນສະກັດກັ້ນຄວາມສ່ຽງເກີດໂລກລະບາດຈາກຕ່າງປະເທດເຂົ້າໃນປະເທດ ສົ່ງຜົນສະທ້ອນເຖິງການເລືອກຕັ້ງ.
(ແຫຼ່ງຄັດຈາກ VOV)

ຕັດສິນໃຈສ້າງການຫັນປ່ຽນໃນວຽກງານກໍ່ສ້າງ, ປັບປຸງພັກ

ຕັດສິນໃຈສ້າງການຫັນປ່ຽນໃນວຽກງານກໍ່ສ້າງ, ປັບປຸງພັກ

ພັກກອມມູນິດ ຫວຽດນາມ ໄດ້ຮັບການສ້າງຕັ້ງຂຶ້ນ ເມື່ອວັນທີ 3/2/1930 ແມ່ນບາດລ້ຽວປະຫວັດສາດອັນຍິ່ງໃຫຍ່ຂອງຊາດ ຫວຽດນາມ, ນຳການປະຕິວັດ ຫວຽດນາມ ຈາກໄຊຊະນະນີ້ໄປສູ່ໄຊຊະນະອື່ນ. ໃນວິວັດ 93 ປີແຫ່ງການສ້າງຕັ້ງ ແລະ ພັດທະນາ, ພັກ ຍາມໃດກໍ່ຖືເປັນສຳຄັນໃນວຽກງານກໍ່ສ້າງ ແລະ ປັບປຸງພັກ, ເປັນເອກະພາບໃນການສືບທອດ ແລະ ພັດທະນາແນວທາງ, ແຜນນະໂຍບາຍໃຫ້ເໝາະສົມກັບແຕ່ລະໄລຍະ, ພິເສດແມ່ນໃນບັນດາອາຍຸການມໍ່ໆມານີ້. ດ້ວຍການເພີ່ມເຕີມ, ສືບທອດ, ສ້າງແນວທາງກ່ຽວກັບວຽກງານກໍ່ສ້າງ, ປັບປຸງພັກໃຫ້ສົມບູນແບບ, ພັກກອມມູນິດ ຫວຽດນາມ ນັບມື້ນັບຕັດສິນໃຈສ້າງການຫັນປ່ຽນໃຫມ່ໃນວຽກງານນີ້.

Top