ຫວຽດນາມ ແມ່ນຕະຫຼາດທີ່ມີຄວາມສາມາດບົ່ມຊ້ອນຂອງບັນດາບໍລິສັດຂາຍຍ່ອຍ ອິນໂດເນເຊຍ
(ພາບ: TTXVN)
ກ່າວຄຳເຫັນຕໍ່ວົງການນັກຂ່າວໃນຫວ່າງມໍ່ມານີ້, ທ່ານ Roy Nicholas Mandy ປະທານສະມາຄົມບັນດາບໍລິສັດຂາຍຍ່ອຍ ອິນໂດເນເຊຍ ໄດ້ຮຽກຮ້ອງໃຫ້ລັດຖະບານອິນໂດເນເຊຍສະໜັບສະໜູນຄວາມມານະພະຍາຍາມຂອງບັນດາບໍລິສັດຢູ່ປະເທດນີ້ໃນການເປີດກ້ວາງການດຳເນີນທຸລະກິດໄປຍັງຕ່າງປະເທດຜ່ານການປັບປຸງ ຫຼືໂຍະຍານບັນດາຂໍ້ກຳນົດທີ່ກ່ຽວຂ້ອງ, ກໍ່ຄືຍູ້ແຮງການເຈລະຈາກັບລັດຖະບານບັນດາປະເທດທີ່ກ່ຽວຂ້ອງເພື່ອຂໍອອກໃບອະນຸຍາດດຳເນີນທຸລະກິດໃຫ້ແກ່ບັນດາບໍລິສັດຂາຍຍ່ອຍ.
ປັດຈຸບັນມີ 2 ບໍລິສັດຂາຍຍ່ອຍອິນໂດເນເຊຍ ໄດ້ດຳເນີນທຸລະກິດຢູ່ ຫວຽດນາມ, ລວມມີບໍລິສັດ PT Perintis Servives ດ້ວຍລະບົບຮ້ານຂາຍ ຜະລິດຕະພັນການຢາ Century Health ຢູ່ ນະຄອນ ໂຮ່ຈີມິນ ແລະ ບໍລິສັດ PT Mitra Adiperkasa (MAP) Tbk ດ້ວຍບັນດາເຄື່ອງໝາຍການຄ້າທີ່ມີຊື່ສຽງໃນໂລກໃນຂົງເຂດ Fashion , ອາຫານການກິນ - ເຄື່ອງດື່ມ ຄື Burger King, Debenhams, H&M, Reebok, Stradivarius ແລະ Zara.
(ແຫຼ່ງຄັດຈາກ VOV)
