• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດ​ນາມ ເພີ່ມ​ທະ​ວີ​ການ​ຮ່ວມ​ມື​ສາ​ກົນ​ເພື່ອ​ຜັນ​ຂະ​ຫຍາຍ​ໝາກ​ຜົນ​ກອງ​ປະ​ຊຸມ COP 26

ວັນທີ 26 ມັງກອນ, ທ່ານລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ ເຈິ່ນຮົ່ງຮ່າ ໄດ້ມີການເຮັດວຽກກັບທ່ານ Aliberti, ເອກອັກຄະລັດຖະທູດ ສະຫະພາບເອີຣົບ (ອີຢູ) ປະຈຳ ຫວຽດນາມ ກ່ຽວກັບການປະຕິບັດ ກອບຊີວະນາໆພັນທົ່ວໂລກ ແລະ ກຳນົດທິດການຮ່ວມມືລະຫວ່າງສອງຝ່າຍ. ການເຮັດວຽກແມ່ນເພື່ອແນໃສ່ຜັນຂະຫຍາຍບັນດາຄຳໝັ້ນສັນຍາຂອງ ຫວຽດນາມ ພາຍຫຼັງກອງປະຊຸມບັນດາຝ່າຍເຂົ້າຮ່ວມ ສົນທິສັນຍາ ສປຊ ກ່ຽວກັບການປ່ຽນແປງຂອງດິນຟ້າອາກາດຄັ້ງທີ 26 (COP26) ໃຫ້ມີປະສິດທິຜົນ.
ທ່ານລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ ເຈິ່ນຮົ່ງຮ່າ ເຮັດວຽກກັບທ່ານ Aliberti, ເອກອັກຄະລັດຖະທູດ ອີຢູ ປະຈຳ ຫວຽດນາມ (ພາບ: baotainguyenmoitruong.vn)

ທີ່ການເຮັດວຽກ, ທ່ານລັດຖະມົນຕີ ເຈິ່ນຮົ່ງຮ່າ ຢັ້ງຢືນວ່າ ຫວຽດນາມ ສະໜັບສະໜູນບັນດາເນື້ອໃນຂອງ ກອບຊີວະນາໆພັນທົ່ວໂລກ. ໃນໄລຍະຈະມາເຖິງ, ຫວຽດນາມ ສະເໜີໃຫ້ ອີຢູ ແລະ ບັນດາປະເທດໃນກຸ່ມ ອີຢູ ເອົາໃຈໃສ່ເຖິງການຮ່ວມມືກັບ ຫວຽດນາມ ໃນການຜັນຂະຫຍາຍໝາກຜົນກອງປະຊຸມ COP26, ສຸມໃສ່ບາງເນື້ອໃນ ຄື: ຜັນຂະຫຍາຍບັນດາໂຄງການຫັນປ່ຽນພະລັງງານ, ຫັນປ່ຽນການຄົມມະນາຄົມທີ່ປອດໄພ; ຜັນຂະຫຍາຍບັນດາໂຄງການອະນຸລັກຮັກສາ, ປູກປ່າ, ປັບຕົວໃຫ້ເຂົ້າກັບການປ່ຽນແປງຂອງດິນຟ້າອາກາດ. ທາງກະຊວງກໍສະເໜີໃຫ້ເພີ່ມທະວີການເຄື່ອນໄຫວຍົກສູງກຳລັງຄວາມສາມາດໃຫ້ແກ່ວິສາຫະກິດ, ແນະນຳມາດຕະຖານຮັບມືກັບການປ່ຽນແປງຂອງດິນຟ້າອາກາດ, ພັດທະນາແບບຍືນຍົງຂອງສິນຄ້ານຳເຂົ້າຕະຫຼາດເອີຣົບ…

        ສ່ວນທ່ານ Aliberti ເອກອັກຄະລັດຖະທູດ ສະຫະພາບເອີຣົບ (ອີຢູ) ປະຈຳ ຫວຽດນາມ ກ່າວວ່າ ຄວາມຫວັງຂອງ ອີຢູ ທີ່ມີຕໍ່ ກອບຊີວະນາໆພັນທົ່ວໂລກ ແມ່ນ ແລກປ່ຽນບັນດາທັດສະນະກ່ຽວກັບການກຳນົດທິດການຮ່ວມມືລະຫວ່າງກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ກັບ ອີຢູ ປະຈຳ ຫວຽດນາມ ເພື່ອຜັນຂະຫຍາຍບັນດາຄຳໝັ້ນສັນຍາຂອງ ຫວຽດນາມ ພາຍຫຼັງກອງປະຊຸມ COP26.

(ແຫຼ່ງຄັດຈາກ VOV)

ສືບຕໍ່ຊຸກຍູ້ການພົວພັນຄູ່ຮ່ວມມື ຫວຽດນາມ - WEF

ສືບຕໍ່ຊຸກຍູ້ການພົວພັນຄູ່ຮ່ວມມື ຫວຽດນາມ - WEF

ວັນທີ 22 ພຶດສະພາ, ທ່ານຮອງນາຍົກລັດຖະມົນຕີຫວຽດນາມ ເລມິງຄ໊າຍ, ຫົວໜ້າຄະນະຜູ້ແທນຂັ້ນສູງ ຫວຽດນາມ ທີ່ເຂົ້າຮ່ວມກອງປະຊຸມປະຈຳປີເວທີປາໄສເສດຖະກິດໂລກ (WEF) ຄັ້ງທີ 52 ຢູ່ Davos (ສະວິດ) ໄດ້ໃຫ້ການຕ້ອນຮັບທ່ານ Alok Sharma ລັດຖະມົນຕີ, ປະທານກອງປະຊຸມຄັ້ງທີ 26 ຂອງບັນດາຝ່າຍເຂົ້າຮ່ວມສົນທິສັນຍາແມ່ຂອງ ສປຊ ກ່ຽວກັບການປ່ຽນແປງຂອງດິນຟ້າອາກາດ (COP26); ທ່ານ Borge Brende ປະທານ WEF; ທ່ານ Henrik Anderson ປະທານ ທັງເປັນຜູ້ອຳນວຍການໃຫຍ່ຝ່າຍບໍລິຫານກຸ່ມບໍລິສັດ Vestas Wind Systems.

Top