ຂ່າວສານ

ຫວຽດນາມຍູ້ໄວຄວາມຄືບໜ້າໃນການປ່ອຍບ້ວງເງິນຊ່ວຍເຫຼືອການຮັບປະກັນຊີວິດສັງຄົມໄລຍະຫຼັງ ໂລກລະບາດ Covid – 19

22/05/2020

ຕອນບ່າຍວັນທີ 20 ພຶດສະພາ, ຢູ່ນະຄອນບວນມາທັວດ, ຄະນະປະຕິບັດງານຂອງກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ ໂດຍທ່ານ ຫວູຈ້ອງບິ່ງ, ຫົວໜ້າກົມວຽກເຮັດງານທຳ, ກະຊວງແຮງງານ, ທະຫານເສຍອົງຄະ ແລະສັງຄົມ ນຳໜ້າ ໄດ້ມີການເຮັດວຽກກັບຄະນະກຳມະການປະຊາຊົນ ແຂວງດັກລັກ ກ່ຽວກັບຄວາມຄືບໜ້າໃນການປະຕິບັດມະຕິຂອງລັດຖະບານກ່ຽວກັບການໜູນຊ່ວຍບັນດາເປົ້າໝາຍທີ່ຖືກຜົນສະທ້ອນຢ່າງໜັກໜ່ວງຈາກໂລກລະບາດ Covid – 19.

ທ່ານ ຫວູຈ້ອງບິ່ງ, ຫົວໜ້າກົມວຽກເຮັດງານທຳ, ກະຊວງແຮງງານ, ທະຫານເສຍອົງຄະ ແລະສັງຄົມ

(ພາບ: TTXVN)

ທີ່ການເຮັດວຽກ, ທ່ານຫວູຈ້ອງບິ່ງໃຫ້ຮູ້ວ່າ: ບ້ວງເງິນໜູນຊ່ວຍກູ້ຢືມຂອງລັດຖະບານແມ່ນນຳໃຊ້ເພື່ອໜູນຊ່ວຍໃຫ້ເປົ້າໝາຍທີ່ມີລາຍຮັບຫຼຸດລົງຫຼາຍ ຍ້ອນຜົນສະທ້ອນຈາກ Covid – 19 ດັ່ງນັ້ນ, ທາງແຂວງດັກລັກຄວນຍູ້ໄວຄວາມຄືບໜ້າໃນການປ່ອຍບ້ວງເງິນຊ່ວຍເຫຼືອເພື່ອຮັບປະກັນວ່າ ບັນດາຜູ້ປະສົບກັບຄວາມຫຍຸ້ງຍາກຈະໄດ້ຮັບເງິນຈາກບ້ວງເງິນຊ່ວຍເຫຼືອໄດ້ຢ່າງທັນການ. ທ່ານກ່າວວ່າ:

ເພື່ອຍູ້ໄວຄວາມຄືບໜ້ານັ້ນ ຕ້ອງຊາບຊຶມຢ່າງຈະແຈ້ງບົດບາດຂອງຂັ້ນຕາແສງ, ພິເສດແມ່ນແນວໂຮມປະເທດຊາດຕ້ອງດຳເນີນການພິຈາລະນາອະນຸມັດກໍ່ຄືຕິດປະກາດຢ່າງເປີດເຜີຍ ແລະ ຢູ່ຂັ້ນເມືອງ, ຂັ້ນແຂວງ ຕ້ອງອະນຸມັດຜ່ານໂດຍໄວ. ວິທີການດີທີ່ສຸດ ແລະ ຖືກຕ້ອງທີ່ສຸດເພື່ປັດເຂ່ຍບັນດາເປົ້າໝາຍທີ່ໄດ້ຮັບຜົນປະໂຫຍດໂດຍບໍ່ຖືກຕ້ອງ ອອກ ຂັ້ນຮາກຖານ, ຕາແສງ, ບ້ານຕ້ອງດຳເນີນການກວດກາຄືນໃໝ່ ແລະ ພິຈາລະນາອະນຸມັດຢ່າງເປີດເຜີຍ.

(ແຫຼ່ງຄັດຈາກ VOV)

ປະທານາທິບໍດີ ແຟງລັງ ເປັນປະທານພິທີຕ້ອນຮັບທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນ ຫວຽດນາມ ຢ່າງເປັນທາງການ

21/10/2025
ຂ່າວສານ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.