ທ່ານລັດຖະມົນຕີກະຊວງອຸດສາຫະກຳການຄ້າຫວຽດນາມ ເຈິ່ນຕວັນແອງ ເປັນປະທານກອງປະຊຸມຢູ່ຮ່າໂນ້ຍ (ພາບ: TTXVN)
ລັດຖະມົນຕີສອງທ່ານໄດ້ເຫັນດີເປັນເອກະສັນ ກ່ຽວກັບການຮ່ວມມືດ້ານການຄ້າ, ອຸດສາຫະກຳ ແລະ ພະລັງງານລະຫວ່າງສອງຝ່າຍໃນໄລຍະຈະມາເຖິງ ຕ້ອງຕິດແທດກັບບັນດາເປົ້າໝາຍຂອງຖະແຫຼງການຮ່ວມ ຂອງບັນດາທ່ານລັດຖະມົນຕີກະຊວງເສດຖະກິດ ສະຫະສະມາຄົມບັນດາປະເທດອາຊີຕາເວັນອອກສ່ຽງໃຕ້ (ອາຊຽນ)-ຍີ່ປຸ່ນ ກ່ຽວກັບຂໍ້ລິເລີ່ມຟື້ນຟູເສດຖະກິດ ຮັບມືກັບໂລກລະບາດໂຄວິດ-19 ແລະ ແຜນການດຳເນີນງານຟື້ນຟູເສດຖະກິດອາຊຽນ-ຍີ່ປຸ່ນ.
ກ່ຽວກັບການຊຸກຍູ້ການຫັນປ່ຽນດີຈີຕອນ ແລະ ພັດທະນາອຸດສາຫະກຳຄັ້ງທີ 4, ລັດຖະມົນຕີສອງທ່ານ ໄດ້ຕີລາຄາສູງບັນດາຄວາມມານະພະຍາຍາມລວມ ໃນການນຳໃຊ້ບັນດາເຕັກໂນໂລຊີເຕັກນິກດີຈີຕອນໃໝ່ ແລະ ເພີ່ມທະວີການເຂົ້າຮ່ວມຂອງບັນດາວິສາຫະກິດເລີ່ມດຳເນີນທຸລະກິດ.ໃນຂົງເຂດພະລັງງານ, ລັດຖະມົນຕີສອງທ່ານ ຢືນຢັນຄືນໃໝ່ຄວາມສຳຄັນຂອງລະບົບພະລັງງານມີຄວາມສາມາດຟື້ນຟູກັບແຫຼ່ງສະຫຼອງພະລັງານສະອາດ ແລະ ລາຄາເໝາະສົມ, ເປັນປົກກະຕິ ໃນການໜູນຊ່ວຍບັນດາການເຄື່ອນໄຫວເສດຖະກິດ ແລະ ວິທີການນຳໃຊ້ທຸກແຫຼ່ງພະລັງງານ, ເຕັກໂນໂລຊີ. ສອງຝ່າຍກໍ່ເຫັນດີເປັນເອກະສັນຈະເພີ່ມທະວີການຮ່ວມມືປະເຊີນໜ້າກັບການປ່ຽນແປງຂອງດິນຟ້າອາກາດ.
(ແຫຼ່ງຄັດຈາກ VOV)
