(ພາບປະກອບ)
ເລື່ອງຊອກຫາທ່າໄດ້ປຽບແກ່ງແຍ້ງໃໝ່ ແມ່ນບັນຫາໃຫຍ່ສຳລັບ ຫວຽດນາມ ເວົ້າສະເພາະ ແລະ ບັນດາປະເທດສະມາຊິກ ອາຊຽນ ເວົ້າລວມ. ນີ້ແມ່ນຄຳຢືນຢັນຂອງທ່ານ Justin Wood, ຜູ້ອຳນວຍການຮັບຜິດຊອບພາກພື້ນ ອາຊີ - ປາຊີຟິກ, ສະມາຊິກຄະນະບໍລິຫານອົງການເວທີປາໄສເສດຖະກິດໂລກ (WEF), ກ່ອນທີ່ດຳເນີນກອງປະຊຸມ WEF ASEAN ຢູ່ຮ່າໂນ້ຍແຕ່ວັນທີ 11 – 13 ກັນຍາ.
ຕາມທ່ານ Justin Wood ແລ້ວ, ດ້ວຍຫົວຂໍ້ວ່າ “ອາຊຽນ 4.0 ຈິດໃຈນັກທຸລະກິດ ແລະ ການປະຕິວັດອຸດສາຫະກຳຄັ້ງທີ 4”, WEF ASEAN ປີນີ້ ສຸມໃສ່ເຂົ້າໃນເລື່ອງຊອກຮູ້ຄວາມໝາຍຂອງການປະຕິວັດອຸດສາຫະກຳຄັ້ງທີ 10 ສຳລັບ 10 ປະເທດ ອາຊຽນ. ທ່ານ Justin Wood ຖືວ່າ: ການປະຕິວັດນີ້ ສົ່ງຜົນກະທົບເຖິງບັນດາປະເທດໃນໂລກທັງໝົດ, ເຖິງວ່າແມ່ນບັນດາປະເທດຮັ່ງມີ, ທັນສະໄໝທີ່ສຸດ ຫຼື ບັນດາປະເທດທຸກຍາກ ແລະ ດ້ອຍພັດທະນາທີ່ສຸດກໍ່ຕາມ.ແລະກໍ່ຕາມຜູ້ອຳນວຍການຮັບຜິດຊອບພາກພື້ນ ອາຊີ - ປາຊີຟິກຂອງເວທີປາໄສເສດຖະກິດໂລກແລ້ວ, ບັນດາປະເທດຄື ຫວຽດນາມ ຕ້ອງສະແດງລັກສະນະແກ່ງແຍ້ງຢູ່ບັນດາແງ່ມູມອື່ນ, ບໍ່ພຽງແຕ່ຢູ່ແງ່ມູນການຜະລິດທີ່ມີລາຍຈ່າຍຕ່ຳເທົ່ານັ້ນ. ຜູ້ຕາງໜ້າ WEF ຫວັງວ່າ WEF ASEAN ຄັ້ງນີ້ ຈະແມ່ນໂອກາດເພື່ອປຶກສາຫາລື ແລະ ເຂົ້າໃຈແຈ້ງກ່ວາກ່ຽວກັບບັນດາບາດກ້າວຕໍ່ໄປ.
(ແຫຼ່ງຄັດຈາກ VOV)
