(ມອບຂອງຂວັນບຸນເຕັດ 100 ພູດໃຫ້ຊາວ ຫວຽດນາມ
ຜູ້ທຸກຍາກທີ່ອາໄສຢູ່ທ້ອງຖີ່ນຕ່າງໆຂອງ ກຳປູເຈຍ)
ຕອນເຊົ້າວັນທີ 2/2, ຢູ່ແຂວງ Kampong Speu, ກຳປູເຈຍ, ສະຖານທູດ ຫວຽດນາມ ປະຈຳ ກຳປູເຈຍ ໄດ້ຈັດຕັ້ງພິທີມອບຂອງຂວັນບຸນເຕັດ 100 ພູດໃຫ້ຊາວ ຫວຽດນາມຜູ້ທຸກຍາກທີ່ອາໄສຢູ່ທ້ອງຖີ່ນຕ່າງໆຂອງ ກຳປູເຈຍ. ໃນວັນດຽວກັນ, ບໍລິສັດໂທລະສັບ Metfone ກຳປູເຈຍ ສົມທົບກັບສະມາຄົມໃຫຍ່ ຊາວກຳປູເຈຍ ເຊື້ອຊາດຫວຽດນາມຈັດຕັ້ງພິທີມອບຂອງຂວັນບຸນເຕັດ 150 ພູດໃຫ້ຊາວກຳປູເຈຍ ເຊື້ອຊາດຫວຽດນາມ. ທ່ານ ເຈົາວັນຈີ, ປະທານສະມາຄົມໃຫຍ່ ຊາວກຳປູເຈຍ ເຊື້ອຊາດ ຫວຽດນາມໃຫ້ຮູ້ວ່າ, ໃນຫຼາຍປີຜ່ານມາ, ສະມາຄົມໃຫຍ່ເຄີຍສົມທົບກັບບັນດາຫົວໜ່ວຍ, ວິສາຫະກິດ ຈັດຕັ້ງພິທີມອບຂອງຂວັນຊ່ວຍເຫຼືອຊາວ ຫວຽດນາມຢູ່ຕ່າງປະເທດເປັນປະຈຳ, ພິເສດແມ່ນໃນໂອກາດບຸນເຕັດ. ທ່ານ ດັ້ງວັນເຊີນ, ຜູ້ໄດ້ຮັບຂອງຂວັນບຸນເຕັດ, ໃຫ້ຮູ້ວ່າ:
“ຂ້າພະເຈົ້າຮູ້ສຶກເປັນກຽດທີ່ໄດ້ຮັບຄວາມເອົາໃຈໃສ່ຈາກບໍລິສັດ. ຕາງໜ້າຄອບຄົວ ແລະ ຊາວ ຫວຽດນາມຢູ່ເມືອງຂໍຂອບອົກຂອບໃຈບໍລິສັດທີ່ໄດ້ມີຄວາມເອົາໃຈໃສ່ເຖິງຊີວິດທາງດ້ານຈິດໃຈໃຫ້ປະຊາຊົນ. ປີໃດພວກຂ້າພະເຈົ້າກໍ່ໄດ້ຮັບຂອງຂວັນບຸນເຕັດຈາກບໍລິສັດ Metfone “.
(ແຫຼ່ງຄັດຈາກ VOV)
