ຂ່າວສານ

ວັນທີ 2 ກັນຍາ, ນັກຊ່ຽວຊານກວດສອບສຸຂະອະນາໄມໝາກໄມ້ ອາເມລິກາ ຈະມາ ຫວຽດນາມ

02/09/2020

ຕາມຜູ້ຕາງໜ້າ ກົມປ້ອງກັນພືດແລ້ວ, ວັນທີ 2 ກັນຍາ, ນັກຊ່ຽວຊານຂອງອົງການກວດສອບສຸຂະອະນາໄມ ຜັກພືດ ແລະ ສັດ ຂອງ ອາເມລິກາ (APHIS) ຂຶ້ນກັບກະຊວງກະສິກຳ ອາເມລິກາ (USDA) ຈະມາຫວຽດນາມ ເພື່ອປະຕິບັດການກວດສອບສຸຂະອະນາໄມຂອງໝາກໄມ້ຫວຽດນາມ ກ່ອນທີ່ຈະສົ່ງອອກໄປຍັງປະເທດນີ້.

(ພາບປະກອບ: plo.vn)

ນັບແຕ່ເດືອນ ມີນາ 2020, ເມື່ອໂລກລະບາດໂຄວິດ - 19 ມີການຜັນແປຢ່າງສັບສົນ, ອາເມລິກາ ໄດ້ຮຽກຮ້ອງໃຫ້ພະນັກງານປະເທດຕົນຕ້ອງກັບເມືອປະເທດ; ໃນນັ້ນ ມີພະນັກງານຂອງອົງການກວດສອບສຸຂະອະນາໄມ ຜັກພືດ ແລະ ສັດ ຂອງ ອາເມລິກາ.

ກົມປ້ອງກັນສັດຕູພືດ ໃຫ້ຮູ້ວ່າ ປີ 2019, ຫວຽດນາມ ໄດ້ສົ່ງໝາກໄມ້ 6.000 ໂຕນ ໄປຍັງຕະຫຼາດ ອາເມລິກາ. ໃນ 6 ເດືອນຕົ້ນປີ 2020, ການສົ່ງອອກໝາກໄມ້ຫຼາຍກວ່າ 3.000 ໂຕນ. ປັດຈຸບັນ, ຫວຽດນາມ ມີໝາກໄມ້ 6 ຊະນິດ ທີ່ໄດ້ຮັບການອະນຸຍາດສົ່ງອອກໄປຍັງຕະຫຼາດ ອາເມລິກາ, ເຊິ່ງລວມມີ ໝາກມັງກອນ, ໝາກເງາະ, ໝາກລຳໄຍ, ໝາກລີ້ນຈີ່, ໝາກນ້ຳນົມ ແລະ ໝາກມ່ວງ.

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.